PAK Vs SA: ಸೆಂಚುರಿಯನ್‌ ಟೆಸ್ಟ್‌ ಪಾಕಿಸ್ಥಾನ 211ಕ್ಕೆ ಆಲೌಟ್‌

ಸೆಂಚುರಿಯನ್‌: ದಕ್ಷಿಣ ಆಫ್ರಿಕಾ ತಂಡ ದೆದುರು ಇಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಪಾಕಿಸ್ಥಾನ ತಂಡವು 211 ರನ್‌ ಗಳಿಸಿ ಆಲೌಟಾಗಿದೆ.

ಇದಕ್ಕುತ್ತರವಾಗಿ ದಕ್ಷಿಣ ಆಫ್ರಿಕಾ ಆಟ ಆರಂಭಿಸಿದ್ದು ಎರಡು ವಿಕೆಟಿಗೆ 55 ರನ್‌ ಗಳಿಸಿದೆ. ಆರಂಭಿಕ ಆಟಗಾರ ಐಡೆನ್‌ ಮಾರ್ಕ್‌ರಮ್‌ 37 ರನ್‌ ಗಳಿಸಿ ಆಡುತ್ತಿದ್ದಾರೆ.

ಪಾಕಿಸ್ಥಾನ ತಂಡವು ಡೇನ್‌ ಪ್ಯಾಟರ್ಸನ್‌ ಮತ್ತು ಕಾರ್ಬಿನ್‌ ಬಾಷ್‌ ಅವರ ದಾಳಿಗೆ ತತ್ತರಿಸಿತು. ಮೊದಲ ಯಶಸ್ಸು ಸಾಧಿಸಿದ ಬಾಷ್‌ ಒಟ್ಟಾರೆ 63 ರನ್ನಿಗೆ ನಾಲ್ಕು ವಿಕೆಟ್‌ ಕಿತ್ತರೆ ಪ್ಯಾಟರ್ಸನ್‌ 61 ರನ್ನಿಗೆ 5 ವಿಕೆಟ್‌ ಪಡೆದರು.