Australian Open: ಹಿಂದೆ ಸರಿದ ಸಿಮೋನಾ ಹಾಲೆಪ್‌

ಮೆಲ್ಬರ್ನ್: ಮಾಜಿ ನಂ.1 ಆಟಗಾರ್ತಿ, ರೊಮೇನಿಯಾದ ಸಿಮೋನಾ ಹಾಲೆಪ್‌ ಮಂಡಿ ಹಾಗೂ ಭುಜದ ನೋವಿನಿಂದಾಗಿ ವರ್ಷಾರಂಭದ ಆಸ್ಟ್ರೇಲಿಯನ್‌ ಓಪನ್‌ ಪಂದ್ಯಾವಳಿಯಿಂದ ಹಿಂದೆ ಸರಿಯಲು ನಿರ್ಧರಿಸಿದ್ದಾರೆ.

2018ರ ರನ್ನರ್‌ ಅಪ್‌ ಆಗಿರುವ ಸಿಮೋನಾ ಹಾಲೆಪ್‌ ಅವರಿಗೆ ಆಸ್ಟ್ರೇಲಿಯನ್‌ ಓಪನ್‌ ಅರ್ಹತಾ ಸುತ್ತಿನಲ್ಲಿ ಆಡಲು ವೈಲ್ಡ್‌ಕಾರ್ಡ್‌ ಲಭಿಸಿತ್ತು. ಆದರೆ ಕಳೆದ ವಾರ ಅಬುಧಾಬಿ ಪ್ರದರ್ಶನ ಪಂದ್ಯವೊಂದರಲ್ಲಿ ಪಾಲ್ಗೊಂಡ ಬಳಿಕ ಮಂಡಿ ಹಾಗೂ ಭುಜದ ನೋವಿಗೆ ಸಿಲುಕಿದ್ದಾಗಿ ಹಾಲೆಪ್‌ ತಮ್ಮ ಇನ್‌ಸ್ಟಾ ಖಾತೆಯಲ್ಲಿ ಪೋಸ್ಟ್‌ ಮಾಡಿದ್ದಾರೆ.