Advertisement
ಹಗಲು ರೈಲಿನ ಕೊರತೆಲಾಕ್ಡೌನ್ ಬಳಿಕ ಜನಜೀವನ ಸಹಜ ಸ್ಥಿತಿಗೆ ಮರಳುತ್ತಿದ್ದು ಶುಭ ಸಮಾರಂಭ, ಪ್ರವಾಸ, ಉತ್ಸವಗಳು ಆರಂಭಗೊಂಡಿವೆ. ಇದರಿಂದಾಗಿ ಜನರ ಸಂಚಾರಕ್ಕೆ ರೈಲು ಸೇವೆ ಅಗತ್ಯವಿದೆ. ಆದರೆ ಮಂಗಳೂರು-ಮಡಗಾಂವ್‌ ನಡುವೆ ಹಗಲು ಹೊತ್ತಿನಲ್ಲಿ ಯಾವುದೇ ರೈಲು ಸಂಚರಿಸುತ್ತಿಲ್ಲ. ಹೀಗಾಗಿ ಈ ನಡುವಣ 22 ನಿಲ್ದಾಣಗಳ ಪ್ರಯಾಣಿಕರಿಗೆ ಬಹಳಷ್ಟು ತೊಂದರೆಯಾಗಿದೆ. ಇದರ ನಡುವೆ ಕೊಂಕಣ ಮಾರ್ಗದಲ್ಲಿ ಸಂಚರಿಸುವ ವಿಶೇಷ ರೈಲುಗಳು ರಾತ್ರಿ ವೇಳೆ ಸಂಚರಿಸುತ್ತಿದ್ದು ಸೀಮಿತ ನಿಲ್ದಾಣಗಳಲ್ಲಿ ಮಾತ್ರ ನಿಲುಗಡೆ ಇವೆ. ಹೀಗಾಗಿ ಸಣ್ಣ ನಿಲ್ದಾಣಗಳಿರುವ ಪ್ರದೇಶಗಳ ಜನರು ರೈಲ್ವೇ ಸೌಲಭ್ಯ ವಂಚಿತರಾಗುತ್ತಿದ್ದಾರೆ.
Related Articles
ಮಂಗಳೂರು ಜಂಕ್ಷನ್‌-ಮುಂಬಯಿ ಸಿಎಸ್‌ಟಿ ರೈಲು ವಿಶೇಷ ನೆಲೆಯಲ್ಲಿ ಶೀಘ್ರ ಸಂಚಾರ ಆರಂಭಿಸುವ ನಿರೀಕ್ಷೆ ಇದೆ. ಈ ರೈಲನ್ನು ಮಂಗಳೂರು ಜಂಕ್ಷನ್‌ ಬದಲು ಮಂಗಳೂರು ಸೆಂಟ್ರಲ್‌ ನಿಲ್ದಾಣದಿಂದ ಆರಂಭಿಸಬೇಕು ಎಂಬ ಒತ್ತಾಯ ಕೇಳಿಬಂದಿವೆ.
Advertisement
ಪ್ಯಾಸೆಂಜರ್‌ ರೈಲಾಗಿ ಮುಂದುವರಿಕೆ200 ಕಿಮೀ. ಅಧಿಕ ದೂರದ ಎಲ್ಲ ಪ್ಯಾಸೆಂಜರ್‌ ರೈಲುಗಳನ್ನು ಎಕ್ಸ್ಪ್ರೆಸ್ ರೈಲುಗಳಾಗಿ ಪರಿವರ್ತಿಸುವ ರೈಲ್ವೇ ಮಂಡಳಿ ನಿರ್ಧಾರದಂತೆ ಮಂಗಳೂರು- ಮಡ್ಗಾಂವ್‌ ಡೆಮು ಮತ್ತು ಮಂಗಳೂರು-ಮಡಗಾಂವ್‌ ಪ್ಯಾಸೆಂಜರ್‌ ರೈಲುಗಳು ಎಕ್ಸ್ಪ್ರೆಸ್ ಆಗಿ ಪರಿವರ್ತನೆಗೊಳ್ಳಲಿವೆ. ಆದರೆ ಈ ಕ್ರಮಕ್ಕೆ ಕರಾವಳಿ ಭಾಗದಿಂದ ತೀವ್ರ ವಿರೋಧ ವ್ಯಕ್ತವಾಗಿರುವ ಕಾರಣ ಈ ರೈಲನ್ನು ಪ್ಯಾಸೆಂಜರ್‌ ರೈಲು ಆಗಿ ಉಳಿಸಲು ಮತ್ತು ಎಲ್ಲ ಕಡೆ ನಿಲುಗಡೆಗೆ ಮಂಡಳಿ ಅನುಮತಿ ನೀಡಿದೆ ಎಂದು ಕೊಂಕಣ ರೈಲ್ವೇ ಮಾಹಿತಿ ನೀಡಿದೆ. ಸಂಚಾರಕ್ಕೆ ಒತ್ತಾಯ
ಮಂಗಳೂರು-ಮಡಗಾಂವ್‌ ಮಧ್ಯೆ ಪ್ಯಾಸೆಂಜರ್‌ ರೈಲು ಸಂಚಾರ ಅತೀ ಅಗತ್ಯವಿದ್ದು ಈ ಬಗ್ಗೆ ರೈಲ್ವೇ ಮಂಡಳಿಯನ್ನು ಒತ್ತಾಯಿಸಲಾಗಿದೆ. ಮಂಡಳಿಯಿಂದಲೂ ಪೂರಕ ಸ್ಪಂದನೆ ದೊರಕಿದ್ದು ಶೀಘ್ರ ಪ್ರಾರಂಭವಾಗುವ ನಿರೀಕ್ಷೆ ಇದೆ.
-ರಾಜೀವ್‌ ಗಾಂವ್ಕರ್‌ , ಕೊಂಕಣ ರೈಲ್ವೇ ಬಳಕೆದಾರರ ಸಲಹಾ ಸಮಿತಿ ಸದಸ್ಯ