Miami; ವಿಮಾನ ಪ್ರಯಾಣಿಕನ ಪ್ಯಾಂಟ್ ನಲ್ಲಿ ಹಾವುಗಳು! ಮಿಯಾಮಿ ಏರ್ಪೋರ್ಟ್ ನಲ್ಲಿ ಆಗಿದ್ದೇನು?

ಮಿಯಾಮಿ: ಪ್ಯಾಂಟ್ ನಲ್ಲಿ ಹಾವನ್ನು ಇಟ್ಟುಕೊಂಡ ಪ್ರಯಾಣಿಕನ್ನು ವಶಕ್ಕೆ ಪಡೆದ ಘಟನೆ ಯುನೈಟೆಡ್ ಸ್ಟೇಟ್ಸ್‌ ನ ಮಿಯಾಮಿ ವಿಮಾನ ನಿಲ್ದಾಣದಲ್ಲಿ ನಡೆದಿದೆ.

ಯುಎಸ್ ಟ್ರಾನ್ಸ್‌ಪೋರ್ಟೇಶನ್ ಸೆಕ್ಯುರಿಟಿ ಅಡ್ಮಿನಿಸ್ಟ್ರೇಷನ್ (TSA) ಸಾಮಾಜಿಕ ಜಾಲತಾಣದಲ್ಲಿ ಈ ವಿಚಾರವನ್ನು ತಿಳಿಸಿದೆ. ಮಿಯಾಮಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಅಧಿಕಾರಿಗಳು ಪ್ರಯಾಣಿಕರೊಬ್ಬರ ಪ್ಯಾಂಟ್‌ ನಲ್ಲಿ ಹಾವುಗಳನ್ನು ಸಾಗಿಸುವ ಚೀಲವನ್ನು ಏಪ್ರಿಲ್ 26 ರಂದು ಚೆಕ್‌ ಪಾಯಿಂಟ್‌ ನಲ್ಲಿ ಪತ್ತೆ ಮಾಡಿದ್ದಾರೆ ಎಂದು ಹೇಳಿದರು.

ಮಾಹಿತಿಯ ತುಣುಕಿನ ಜೊತೆಗೆ, ವ್ಯಕ್ತಿ ಬಚ್ಚಿಟ್ಟಿದ್ದ ಚೀಲದಿಂದ ಎರಡು ಸಣ್ಣ ಬಿಳಿ ಹಾವುಗಳ ಚಿತ್ರಗಳನ್ನು ಸಹ ಟಿಎಸ್ ಎ ಪೋಸ್ಟ್ ಮಾಡಿದೆ.

ಹಾವುಗಳನ್ನು ಫ್ಲೋರಿಡಾ ಮೀನು ಮತ್ತು ವನ್ಯಜೀವಿ ಸಂರಕ್ಷಣಾ ಆಯೋಗಕ್ಕೆ ಹಸ್ತಾಂತರಿಸಲಾಗಿದೆ ಎಂದು ಟಿಎಸ್‌ಎ ಮಾಹಿತಿ ನೀಡಿದೆ.