ಎನ್‌ಆರ್‌ಐ ವಿವಾಹ ನೋಂದಣಿ ಕಡ್ಡಾಯ?

ಹೊಸದಿಲ್ಲಿ: ಅನಿವಾಸಿ ಭಾರತೀಯರ ವಿವಾಹಗಳ ಕಡ್ಡಾಯ ನೋಂದಣಿಗೆ ಸಂಬಂಧಿಸಿದಂತೆ ರೂಪಿಸಲಾದ “2019ರ ಎನ್‌ಆರ್‌ಐ ವಿವಾಹ ನೋಂದಣಿ ವಿಧೇಯಕ’ಕ್ಕೆ ವಿದೇಶಾಂಗ ಇಲಾಖೆಯ ಸಂಸತ್ತಿನ ಸ್ಥಾಯಿ ಸಮಿತಿ, ಶುಕ್ರವಾರ ಒಪ್ಪಿಗೆ ನೀಡಿದೆ.

ಇದರಿಂದ, ಅನಿವಾಸಿ ಭಾರತೀಯರು ತಮ್ಮ ವಿವಾಹಗಳನ್ನು 30 ದಿನಗಳ ಒಳಗಾಗಿ ಭಾರತದಲ್ಲಿ ನೋಂದಣಿ ಮಾಡಿಸಿಕೊಳ್ಳುವುದು ಕಡ್ಡಾಯವಾಗಲಿದೆ. ಈ ನಿಯಮ ಮೀರಿದರೆ, ಅನಿವಾಸಿ ಭಾರತೀಯರಿಗೆ ನೀಡಲಾಗಿರುವ ಪಾಸ್‌ಪೋರ್ಟ್‌, ಇನ್ನಿತರ ಪ್ರಯಾಣ ಸಂಬಂಧಿ ದಾಖಲೆಗಳನ್ನು ಮುಟ್ಟುಗೋಲು ಹಾಕಿಕೊಳ್ಳುವ ಅಧಿಕಾರ ಸರಕಾರಕ್ಕೆ ಇರಲಿದೆ.