‘ತೇಜಸ್‌’ವಿಳಂಬ: ಎಚ್‌ಎಎಲ್‌ಗೆ ತರಾಟೆ

ಹೊಸದಿಲ್ಲಿ: ಐಎಎಫ್ಗೆ ಅಗತ್ಯವಾಗಿರುವ ತೇಜಸ್‌ ಲಘು ಯುದ್ಧ ವಿಮಾನಗಳನ್ನು ಪೂರೈಸುವಲ್ಲಿ ವಿಳಂಬಿಸಿದ್ದಕ್ಕೆ ಎಚ್‌ಎಎಲ್‌ ಅನ್ನು ಕಾಂಗ್ರೆಸ್‌ ನಾಯಕ ಮಲ್ಲಿಕಾರ್ಜುನ ಖರ್ಗೆ ನೇತೃತ್ವದ ಸಾರ್ವಜನಿಕ ಲೆಕ್ಕಪತ್ರ ಸಮಿತಿ (ಪಿಎಸಿ) ತರಾಟೆಗೆ ತೆಗೆದುಕೊಂಡಿದೆ. ಐಎಎಫ್ಗೆ ಅಗತ್ಯ ಯುದ್ಧ ವಿಮಾನಗಳ ಕೊರತೆ ಬಗ್ಗೆ ಲೋಕಸಭೆಯಲ್ಲಿ ಮಂಡಿಸಲಾಗಿರುವ ‘ಡಿಸೈನ್‌, ಡೆವಲಪ್‌ಮೆಂಟ್‌, ಮ್ಯಾನ್ಯುಫ್ಯಾಕ್ಚರ್‌ ಆ್ಯಂಡ್‌ ಇಂಡಕ್ಷನ್‌ ಆಫ್ ಲೈಟ್‌ ಕಾಂಬಾಟ್‌ ಏರ್‌ಕ್ರಾಫ್ಟ್’ ವರದಿಯಲ್ಲಿ ವಿಳಂಬಕ್ಕೆ ಆಕ್ಷೇಪಿಸಲಾಗಿದೆ.

ಮಿಗ್‌-21 ಮಾದರಿಯ ಯುದ್ಧ ವಿಮಾನಗಳನ್ನು ನಿಧಾನವಾಗಿ ಸೇವೆಯಿಂದ ಹಿಂಪಡೆಯುವ ನಡುವೆಯೇ ಅದರ ಬದಲಾಗಿ ಹೊಸ ವಿಮಾನಗಳನ್ನು ನೀಡಬೇಕು. ಮಿಗ್‌-21, ಮಿಗ್‌-27 ವಿಮಾನಗಳನ್ನು ಮುಂದಿನ 10 ವರ್ಷಗಳಲ್ಲಿ ಸೇವೆಯಿಂದ ನಿವೃತ್ತಿಗೊಳಿಸಬೇಕು. ಹೀಗಿದ್ದರೂ, ಪ್ರಬಲ ಯುದ್ಧ ವಿಮಾನಗಳನ್ನು ಹಿಂದುಸ್ತಾನ್‌ ಏರೋನಾಟಿಕ್ಸ್‌ ಲಿಮಿಟೆಡ್‌, ಏರೋನಾಟಿಕಲ್‌ ಡೆವಲಪ್‌ಮೆಂಟ್‌ ಏಜೆನ್ಸಿ ಅಭಿವೃದ್ಧಿಪಡಿಸಿ, ತಯಾರಿಸಿ ಐಎಎಫ್ಗೆ ನೀಡಲು ವಿಳಂಬ ಮಾಡಿದೆ ಎಂದು ಟೀಕಿಸಲಾಗಿದೆ.