Paris Olympics; ಅಲ್ಡ್ರಿನ್‌, ಅಂಕಿತಾ ಧ್ಯಾನಿಗೆ ಒಲಿಂಪಿಕ್ಸ್‌ ಟಿಕೆಟ್‌

ಹೊಸದಿಲ್ಲಿ: ಲಾಂಗ್‌ ಜಂಪರ್‌ ಜೆಸ್ವಿನ್‌ ಅಲ್ಡ್ರಿನ್‌ ಮತ್ತು 5,000 ಮೀ. ಓಟಗಾರ್ತಿ ಅಂಕಿತಾ ಧ್ಯಾನಿ ಅವರಿಗೆ ಪ್ಯಾರಿಸ್‌ ಒಲಿಂಪಿಕ್ಸ್‌ ಟಿಕೆಟ್‌ ಲಭಿಸಿದೆ. ಇವರಿಬ್ಬರೂ ರ್‍ಯಾಂಕಿಂಗ್‌ ಕೋಟಾದಲ್ಲಿ ಆಯ್ಕೆಯಾದರು. ಇದರೊಂದಿಗೆ ಪ್ಯಾರಿಸ್‌ ಸ್ಪರ್ಧೆಯಲ್ಲಿ ಭಾಗವಹಿಸಲಿರುವ ಭಾರತದ ಆ್ಯತ್ಲೀಟ್‌ಗಳ ಸಂಖ್ಯೆ 30ಕ್ಕೆ ಏರಿದೆ.

22 ವರ್ಷದ ಅಂಕಿತಾ 2023ರ ಏಷ್ಯನ್‌ ಚಾಂಪಿಯನ್‌ ಶಿಪ್ಸ್‌ನಲ್ಲಿ ಕಂಚಿನ ಪದಕ ಜಯಿಸಿದ್ದರು. 15 ನಿಮಿಷ, 28.08 ಸೆಕೆಂಡ್‌ಗಳಲ್ಲಿ ದೂರವನ್ನು ಕ್ರಮಿಸಿದ್ದರು. ರಾಷ್ಟ್ರೀಯ ದಾಖಲೆ ಹೊಂದಿರುವ ಪಾರುಲ್‌ ಚೌಧರಿ ಈಗಾಗಲೇ 5,000 ಮೀ. ವಿಭಾಗದಲ್ಲಿ ಪ್ಯಾರಿಸ್‌ ಟಿಕೆಟ್‌ ಪಡೆದಿದ್ದಾರೆ.

ಜೆಸ್ವಿನ್‌ ಅಲ್ಡ್ರಿನ್‌ 8.42 ಮೀಟರ್‌ಗಳ ವೈಯಕ್ತಿಕ ಶ್ರೇಷ್ಠ ಸಾಧನೆ ದಾಖಲಿಸಿದ್ದರೂ ಈ ವರ್ಷ 8 ಮೀಟರ್‌ ಗಡಿಯನ್ನು ದಾಟಿಲ್ಲ. ನ್ಯಾಶನಲ್‌ ಇಂಟರ್‌-ಸ್ಟೇಟ್‌ ಚಾಂಪಿಯನ್‌ಶಿಪ್ಸ್‌ನಲ್ಲಿ ಕೇವಲ 7.75 ಮೀ. ಸಾಧನೆಗೈದಿದ್ದರು.