ರಾಘವ್‌ ಛಡ್ಡಾ-ಪರಿಣಿತಿ ಛೋಪ್ರಾ ಶೀಘ್ರವೇ ಎಂಗೇಜ್‌

ಮುಂಬೈ :ಇತ್ತೀಚೆಗಷ್ಟೇ ಡೇಟಿಂಗ್‌ನಲ್ಲಿದ್ದಾರೆಂದು ಸುದ್ದಿಯಾಗಿದ್ದ ನಟಿ ಪರಿಣಿತಿ ಛೋಪ್ರಾ ಹಾಗೂ ಆಮ್‌ ಆದ್ಮಿ ಪಕ್ಷದ ರಾಜ್ಯಸಭಾ ಸದಸ್ಯ ರಾಘವ್‌ ಛಡ್ಡಾ ಬಗ್ಗೆ ಹೊಸ ಅಪ್ಡೆಟ್‌ ಸಿಕ್ಕಿದ್ದು, ಶೀಘ್ರದಲ್ಲೇ ರಾಘವ್‌ ಹಾಗೂ ಪರಿಣಿತಿ ಎಂಗೇಜ್‌ ಆಗಲಿದ್ದಾರೆ ಎನ್ನಲಾಗಿದೆ.

ಪ್ರೀತಿಯಲ್ಲಿದ್ದರು ಎನ್ನಲಾಗಿದ್ದ ರಾಘವ್‌-ಪರಿಣಿತಿ ತಮ್ಮ ಪೋಷಕರ ಬಳಿ ವಿಚಾರ ಹಂಚಿಕೊಂಡಿದ್ದಾರೆ. ಕುಟುಂಬಸ್ಥರೂ ಸಮ್ಮತಿ ಸೂಚಿಸಿದ್ದು, ನಿಶ್ಚಿತಾರ್ಥಕ್ಕಾಗಿ ಮಹೂರ್ತ ನಿಗದಿ ಪಡಿಸುವ ಬಗ್ಗೆ ಮಾತುಕತೆ ನಡೆಸುತ್ತಿದ್ಧಾರೆ ಎಂದು ಟೈಮ್ಸ್‌ ಆಫ್ ಇಂಡಿಯಾ ವರದಿ ತಿಳಿಸಿದೆ.

ಇದು ನಿಜವಾದರೆ, ಶೀಘ್ರದಲ್ಲೇ ರಾಘವ್‌-ಪರಿಣಿತಿ ಅಭಿಮಾನಿಗಳಿಗೆ ಸಿಹಿಸುದ್ದಿ ಸಿಗಲಿದೆ.