ಹಾರ್ದಿಕ್‌ ನಿರ್ವಹಣೆಯಿಂದ ಹೆತ್ತವರಿಗೆ ಖುಷಿ

ವಡೋದರ: ಪಾಕಿಸ್ಥಾನ ವಿರುದ್ಧ ನಡೆದ ವಿಶ್ವಕಪ್‌ ಪಂದ್ಯದಲ್ಲಿ ಆಲ್‌ರೌಂಡರ್‌ ಹಾರ್ದಿಕ್‌ ಪಾಂಡ್ಯ ಅವರ ನಿರ್ವಹಣೆಗೆ ಹೆತ್ತವರು ಖುಷಿ ವ್ಯಕ್ತಪಡಿಸಿದ್ದಾರೆ.

ವಡೋದರದಲ್ಲಿರುವ ಹಾರ್ದಿಕ್‌ ಅವರ ಹೆತ್ತವರು ತಮ್ಮ ಕುಟುಂಬದ ಇತರ 15 ಸದಸ್ಯರ ಜತೆ ಭಾರತ-ಪಾಕ್‌ ಪಂದ್ಯವನ್ನು ಟಿವಿಯಲ್ಲಿ ವೀಕ್ಷಿಸಿದರು. ಭಾರತ ಗೆಲುವು ಸಾಧಿಸುತ್ತಿದ್ದಂತೆ ವಿಜಯೋತ್ಸವ ಆಚರಿಸಿ ಸಂಭ್ರಮಿಸಿದರು.

“ಪುತ್ರ ಹಾರ್ದಿಕ್‌ ಆಕ್ರಮಣಕಾರಿಯಾಗಿ ಆಡಿ ಭಾರತ ಗೆಲ್ಲಲು ನೆರವಾಗಿದ್ದಾನೆ. ಒಳ್ಳೆಯ ಕ್ರಿಕೆಟಿಗನಾಗುವ ಎಲ್ಲ ಸಾಮರ್ಥ್ಯ ಅವನಿಗಿದೆ ಎಂಬುದು ನನಗೆ ತಿಳಿದಿತ್ತು. ಅದನ್ನು ಈ ಪಂದ್ಯದಲ್ಲಿ ಸಾಬೀತುಪಡಿಸಿದ್ದಾನೆ. ಭವಿಷ್ಯದಲ್ಲಿ ಭಾರತೀಯ ಕ್ರಿಕೆಟ್‌ನಲ್ಲಿ ದೊಡ್ಡ ಪಾತ್ರ ವಹಿಸುವ ಸಾಮರ್ಥ್ಯ ಅವನಿಗಿದೆ’ ಎಂದು ತಂದೆ ಹಿಮಾಂಶು ಪಾಂಡ್ಯ ಹೇಳಿದ್ದಾರೆ.