ಏಷ್ಯನ್‌ ಬಿಲಿಯರ್ಡ್ಸ್‌ : ಪಂಕಜ್‌ ಆಡ್ವಾಣಿಗೆ 8ನೇ ಪ್ರಶಸ್ತಿ

ದೋಹಾ (ಕತಾರ್‌): ಭಾರತದ ಪಂಕಜ್‌ ಆಡ್ವಾಣಿ 8ನೇ ಬಾರಿಗೆ ಏಷ್ಯನ್‌ ಬಿಲಿಯರ್ಡ್ಸ್‌ ಚಾಂಪಿಯನ್‌ಶಿಪ್‌ ಪ್ರಶಸ್ತಿ ಜಯಿಸಿದ್ದಾರೆ. ಇಲ್ಲಿ ನಡೆದ 19ನೇ ಏಷ‌Âನ್‌ 100 ಯುಪಿ ಬಿಲಿಯರ್ಡ್ಸ್‌ ಚಾಂಪಿಯನ್‌ಶಿಪ್‌ನಲ್ಲಿ ಅವರು ಭಾರತದವರೇ ಆದ ಧ್ರುವ ಸಿತ್ವಾಲಾ ಅವರನ್ನು 6-2 ಅಂತರದಿಂದ ಮಣಿಸಿದರು.

ಇದು ಪಂಕಜ್‌ ಆಡ್ವಾಣಿ ಪಾಲಾದ 24ನೇ ಅಂತಾರಾಷ್ಟ್ರೀಯ ಪ್ರಶಸ್ತಿ. ಧ್ರುವ ಸಿತ್ವಾಲ 2 ಸಲ ಏಷ್ಯನ್‌ ಬಿಲಿಯರ್ಡ್ಸ್‌ ಪ್ರಶಸ್ತಿ ಜಯಿಸಿದ್ದಾರೆ.

ಸೆಮಿಫೈನಲ್‌ನಲ್ಲಿ ಪಂಕಜ್‌ ಕಠಿನ ಸವಾಲು ಎದುರಿಸಬೇಕಾಯಿತು. ಮ್ಯಾನ್ಮಾರ್‌ನ ಪೌಕ್‌ ಸಾ ವಿರುದ್ಧ 5-4 ಅಂತರದ ರೋಚಕ ಗೆಲುವು ಸಾಧಿಸಿದ್ದರು.