‘ಪಮ್ಮಣ್ಣ’ನ ಆಡಿಯೋ ರಿಲೀಸ್‌

ಶ್ರೀ ಮುತ್ತುರಾಮ್‌ ಕ್ರಿಯೇಷನ್ಸ್‌ನವರ ಕುಡ್ಲ ಸಿನೆಮಾಸ್‌ ಮಂಗಳೂರು ಅರ್ಪಿಸುವ, ಕೃಷ್ಣ ನಾಯ್ಕ ಕಾರ್ಕಳ ನಿರ್ಮಾಣದ ಇಸ್ಮಾಯಿಲ್‌ ಮೂಡುಶೆಡ್ಡೆ ನಿರ್ದೇಶನದ ‘ಪಮ್ಮಣ್ಣೆ ದಿ ಗ್ರೇಟ್‌’ ಸಿನೆಮಾದ ಆಡಿಯೋ ಲೋಕಾರ್ಪಣೆ ಹಾಗೂ ಟೀಸರ್‌ ಬಿಡುಗಡೆ ಎ. 28ರಂದು ಸಂಜೆ 3.30ಕ್ಕೆ ಮಂಗಳೂರು ಪುರಭವನದಲ್ಲಿ ನಡೆಯಲಿದೆ. ಸೀತಾರಾಮ್‌ ಕುಲಾಲ್‌ ರಚನೆಯ ‘ಮೋಕೆದ ಸಿಂಗಾರಿ… ಉಂತುದೆ ವಯ್ನಾರಿ’ ಹಾಡು ಸಹಿತ ‘ಮೀನ್‌ ಬೋಡಾ ಮೀನ್‌’ ಹಾಡು ಚಿತ್ರದಲ್ಲಿ ಗಮನಸೆಳೆಯಲಿದೆ.

ಎಸ್‌.ಪಿ. ಚಂದ್ರಕಾಂತ್‌ ಸಂಗೀತ ಒದಗಿಸಿದ್ದಾರೆ. ತುಳುನಾಡಿನ ಮೊಗವೀರ ಸಮಾಜದ ಕುಟುಂಬವೊಂದರ ಸುತ್ತ ಹೆಣೆಯಲಾಗಿರುವ ಈ ಸಿನೆಮಾದಲ್ಲಿ ಅರವಿಂದ ಬೋಳಾರ್‌, ಪೃಥ್ವಿ ಅಂಬರ್‌, ಶಿಲ್ಪಾ ಸುವರ್ಣ, ಅನುಷಾ ಕೋಟ್ಯಾನ್‌, ದೀಪಕ್‌ ರೈ ಪಾಣಾಜೆ, ರಮೇಶ್‌ ಪಂಡಿತ್‌, ಸತೀಶ್‌ ಬಂದಳೆ, ಪ್ರಕಾಶ್‌ ತೂಮಿನಾಡ್‌ ಸಹಿತ ಹಲವು ಕಲಾವಿದರಿದ್ದಾರೆ. ಗೌರವ ಪಾತ್ರದಲ್ಲಿ ಎಸ್‌. ಗಣೇಶ್‌ ರಾವ್‌, ವಿಶೇಷ ಪಾತ್ರದಲ್ಲಿ ರೋನ್ಸ್‌ ಲಂಡನ್‌ ಕಾಣಿಸಿಕೊಂಡಿದ್ದಾರೆ.