Hassan ಕ್ಯಾನ್ಸರ್‌ ಸೋಲಿಸಿ ಮಿಸ್‌ ಇಂಡಿಯಾ ಸ್ಪರ್ಧೆ ಗೆದ್ದ ಪಲ್ಲವಿ ಭೂಷಣ್‌

ಹಾಸನ: ಕ್ಯಾನ್ಸರ್‌ ಪತ್ತೆ ಅನಂತರ ಸತತ 3 ವರ್ಷಗಳ ಚಿಕಿತ್ಸೆ, ಶಸ್ತ್ರಚಿಕಿತ್ಸೆ ಪಡೆದು ಕ್ಯಾನ್ಸರನ್ನೇ ಸೋಲಿಸಿ ಮಿಸ್‌ ಇಂಡಿಯಾ ಸ್ಪರ್ಧೆಯಲ್ಲಿ ಗೆದ್ದ ಬೇಲೂರು ತಾಲೂಕಿನ ಮೂಳೇನ ಹಳ್ಳಿಯ ಪಲ್ಲವಿ ಭೂಷಣ್‌ ಅವರ ಸಾಹಸ ಗಾಥೆ ಕ್ಯಾನ್ಸರ್‌ ರೋಗಿಗಳಿಗೆ ಮಾದರಿಯಾಗಿದೆ.

ವೃತ್ತಿಯಲ್ಲಿ ಜುವೆಲರಿ ಡಿಸೈನರ್‌ ಆಗಿರುವ ಮೂಳೇನಹಳ್ಳಿಯ ಕಾಂತರಾಜ್‌-ಗಂಗಾ ಅವರ ಪುತ್ರಿ, ಐಟಿಸಿ ವಿಜ್ಞಾನಿ ನಾಗಭೂಷಣ್‌ ಅವರ ಪತ್ನಿ ಪಲ್ಲವಿ ಭೂಷಣ್‌ ಈಗ ಮಿಸ್‌ ಇಂಡಿಯಾ ಕ್ಯಾನ್ಸರ್‌ ವಾರಿಯರ್ಸ್‌ನ ಪ್ರಶಸ್ತಿ ಮುಡಿಗೇರಿಸಿಕೊಂಡಿರುವ ಕನ್ನಡತಿ.

ಇತ್ತೀಚೆಗೆ ದಿಲ್ಲಿಯಲ್ಲಿ ನಡೆದ 26 ರಾಜ್ಯಗಳ ಕ್ಯಾನ್ಸರ್‌ನಿಂದ ಗುಣಮುಖರಾದವರ ಫ್ಯಾಷನ್‌ ಶೋ ಮಿಸ್‌ ಇಂಡಿಯಾ ಸ್ಪರ್ಧೆಯಲ್ಲಿ ಪಲ್ಲವಿ ಭೂಷಣ್‌ ಪಾಲ್ಗೊಂಡಿದ್ದು, ಪಶಸ್ತಿ ಗೆದ್ದ ಅನಂತರ ಕ್ಯಾನ್ಸರ್‌ ಸೋಲಿಸಿದ ಪರಿಯನ್ನು ಹೇಳಿಕೊಂಡಿದ್ದಾರೆ. ಮನುಷ್ಯನಲ್ಲಿ ಎಲ್ಲವನ್ನೂ ಎದುರಿಸುವ ಶಕ್ತಿಯಿರುತ್ತದೆ. ಯಾವುದಕ್ಕೂ ಎದೆಗುಂದದೆ ದೃಢ ಮನಸ್ಸಿನಿಂದ ಹೋದರೆ ಗೆಲುವು ನಮ್ಮದೇ ಎನ್ನುತ್ತಾರೆೆ ಪಲ್ಲವಿ ಭೂಷಣ್‌.