ಪಾಲೆರ್ಮೊ ಲೇಡೀಸ್‌ ಟೆನಿಸ್‌ ಫಿಯೋನಾ ಫೆರೊ ಚಾಂಪಿಯನ್‌

ಪಾಲೆರ್ಮೊ (ಇಟಲಿ): ಸ್ಪೇನಿನ ಫಿಯೋನಾ ಫೆರೊ ಕಳೆದ 5 ತಿಂಗಳಲ್ಲಿ ಮೊದಲ ಟೆನಿಸ್‌ ಪ್ರಶಸ್ತಿ ಜಯಿಸಿದ ತಾರೆಯಾಗಿ ಮೂಡಿಬಂದಿದ್ದಾರೆ. ಕಳೆದ ರಾತ್ರಿ ನಡೆದ “ಪಾಲೆರ್ಮೊ ಲೇಡೀಸ್‌ ಓಪನ್‌ ಟೆನಿಸ್‌’ ಫೈನಲ್‌ನಲ್ಲಿ ಎಸ್ತೋನಿಯಾದ ಅನೆಟ್‌ ಕೊಂಟಾವೀಟ್‌ ಅವರನ್ನು ಫೆರೊ 6-2, 7-5ರಿಂದ ಹಿಮ್ಮೆಟ್ಟಿಸಿದರು.

23 ವರ್ಷದ ಫಿಯೋನಾ ಫೆರೊ ಪಾಲಿಗೆ ಇದು 2ನೇ ಡಬ್ಲ್ಯುಟಿಎ ಪ್ರಶಸ್ತಿಯಾಗಿದೆ. ಇನ್ನೊಂದೆಡೆ ಕೊಂಟಾವೀಟ್‌ ತನ್ನ 6 ಫೈನಲ್‌ ಸ್ಪರ್ಧೆಗಳಲ್ಲಿ ಐದನ್ನು ಕಳೆದುಕೊಂಡ ಸಂಕಟ ಅನುಭವಿಸಿದರು.

ಅಗ್ರ 50ರಲ್ಲಿ ಫೆರೊ
ಈ ಗೆಲುವಿನೊಂದಿಗೆ ಫಿಯೋನಾ ಫೆರೊ ಮೊದಲ ಸಲ ಡಬ್ಲ್ಯುಟಿಎ ರ್‍ಯಾಂಕಿಂಗ್‌ನಲ್ಲಿ ಟಾಪ್‌-50 ಯಾದಿಯಲ್ಲಿ ಕಾಣಿಸಿಕೊಂಡರು. ಸೋಮವಾರ ಬಿಡುಗಡೆಗೊಂಡ ನೂತನ ರ್‍ಯಾಂಕಿಂಗ್‌ ಯಾದಿಯಲ್ಲಿ ಅವರು 44ನೇ ಸ್ಥಾನದಲ್ಲಿದ್ದಾರೆ. ಇದು ಮಾರ್ಚ್‌ ಬಳಿಕ ನಡೆದ ಮೊದಲ ಟೆನಿಸ್‌ ಪಂದ್ಯಾವಳಿಯೆಂಬ ಹಿರಿಮೆಗೆ ಪಾತ್ರವಾಗಿತ್ತು. ಕೊರೊನಾ ಹಾವಳಿಯಿಂದಾಗಿ ಕಳೆದ 5 ತಿಂಗಳಿಂದ ಜಾಗತಿಕ ಟೆನಿಸ್‌ ಸ್ಥಗಿತಗೊಂಡಿತ್ತು.