ಪಾಲಾನಿ ತಲೆಗೆ 6 ಕೋಟಿ ರೂ. ಕಟ್ಟಿದ ಉಗ್ರರು

ಡಮಾಸ್ಕಸ್‌: ಇಸ್ಲಾಮಿಕ್‌ ಸ್ಟೇಟ್‌(ಐಎಸ್‌) ಉಗ್ರರ ವಿರುದ್ಧ ಹೋರಾಡಲೆಂದೇ ಡೆನ್ಮಾರ್ಕ್‌ನ ತನ್ನ ನೆಮ್ಮದಿಯ ಜೀವನ ಬಿಟ್ಟು ಸಿರಿಯಾಗೆ ಬಂದಿದ್ದ 23 ವರ್ಷದ ಜೋನ್ನಾ ಪಾಲಾನಿ ಇದೀಗ ಉಗ್ರರ ಹಿಟ್‌ಲಿಸ್ಟ್‌ನಲ್ಲಿ ಸ್ಥಾನ ಪಡೆದಿದ್ದಾರೆ.

ಐಎಸ್‌ ಉಗ್ರರು ಆಕೆಯ ತಲೆಗೆ ಬರೋಬ್ಬರಿ 6 ಕೋಟಿ ಬಹುಮಾನ ಘೋಷಿಸಿದ್ದಾರೆ. ಪರಿಣತ ಸ್ನೆ„ಪರ್‌ ಕೂಡ ಆಗಿರುವ ಪಾಲಾನಿಯು ಸಿರಿಯಾದಲ್ಲಿ ಉಗ್ರರ ಲೈಂಗಿಕ ಗುಲಾಮರ ಶಿಬಿರದಲ್ಲಿದ್ದ ನೂರಾರು ಮಹಿಳೆಯರನ್ನು ರಕ್ಷಿಸಿದ್ದಾರೆ. ಕೋಪನ್‌ಹೆಗೆನ್‌ನ ರಾಜಕೀಯ ಮತ್ತು ತತ್ವಶಾಸ್ತ್ರ ವಿದ್ಯಾರ್ಥಿನಿಯಾಗಿರುವ ಅವರು, ಈಗಾಗಲೇ 100 ಮಂದಿ ಉಗ್ರರನ್ನು ಕೊಂದಿದ್ದಾರೆ. ಈಗ ಸೌದಿ ಅರೇಬಿಯಾದಲ್ಲಿರುವ ಐಎಸ್‌ಐ ಶಾರ್ಪ್‌ ಶೂಟರ್‌ ತನ್ನ ಹಿಂದೆ ಬಿದ್ದಿರುವುದಾಗಿ ಸ್ವತಃ ಪಾಲಾನಿ ಹೇಳುತ್ತಾರೆ. ಆಕೆಗಿರುವ ಅಪಾಯವನ್ನು ಮನಗಂಡು ಡೆನ್ಮಾರ್ಕ್‌ ಅಧಿಕಾರಿಗಳು 2015ರಲ್ಲೇ ಪಳನಿಗೆ ಪ್ರಯಾಣ ನಿಷೇಧ ಹೇರಿದ್ದರು. ಆದರೆ, ಅದನ್ನು ಅನುಸರಿಸದ ಅವರು, ಸಿರಿಯಾಗೆ ಮತ್ತೆ ವಾಪಸಾಗಿ ತನ್ನ ಸೇವಾ ಕಾರ್ಯದಲ್ಲಿ ತೊಡಗಿದ್ದರು. ಬೆಳಗ್ಗೆ 4ಕ್ಕೆ ಏಳುವ ಪಾಲಾನಿ ಆಸ್ತಿಯೆಂದರೆ ಒಂದೆರಡು ಎಕೆ ರೈಫ‌ಲ್‌ಗ‌ಳು, ಒಂದು ಬ್ಯಾಗ್‌ ಮತ್ತು ಎರಡು ಹ್ಯಾಂಡ್‌ ಗ್ರೆನೇಡ್‌ಗಳು.