Mohan G; ಪಳನಿ ಪ್ರಸಾದದಲ್ಲಿ ನಪುಂಸಕತ್ವ ಔಷಧ ಹೇಳಿಕೆ: ನಿರ್ದೇಶಕ ಸೆರೆ

ಚೆನ್ನೈ: ತಮಿಳುನಾಡಿನ ಪಳನಿ ದೇವಸ್ಥಾನದ ಪಂಚಾ­ಮೃತ ಪ್ರಸಾದದಲ್ಲಿ ಪುರುಷರ ನಪುಂಸಕತ್ವಕ್ಕೆ ಕಾರಣವಾಗುವ ಔಷಧ ಬೆರೆಸಿ ಪ್ರಸಾದ ನೀಡಲಾಗುತ್ತಿತ್ತು ಎಂಬ ಹೇಳಿಕೆ ನೀಡಿದ್ದ ತಮಿಳಿನ ಖ್ಯಾತ ನಿರ್ದೇಶಕ ಮೋಹನ್‌ರನ್ನು ಮಂಗಳವಾರ ತಿರುಚ್ಚಿ ಪೊಲೀಸರು ಬಂಧಿಸಿದ್ದಾರೆ.

ಈ ಬಗ್ಗೆ ಬಿಜೆಪಿ ಘಟಕ ಆಕ್ಷೇಪಿಸಿದ್ದು, ನಿರ್ದೇಶಕನ ಮನೆಯವರಿಗೂ ಮಾಹಿತಿ ನೀಡದೇ, ಅಸಾಂವಿಧಾನಿಕವಾಗಿ ಮೋಹನ್‌ರನ್ನು ಬಂಧಿಸಲಾಗಿದೆ ಎಂದು ಆರೋಪಿಸಿದೆ.

ಯುಟ್ಯೂಬ್‌ ಚಾನೆಲ್‌ವೊಂದರ ಸಂದರ್ಶನದಲ್ಲಿ ತಿರುಪತಿ ಲಡ್ಡು ವಿವಾದದ ಕುರಿತು ಪ್ರಶ್ನಿಸಿದಾಗ ಮೋಹನ್‌ ಮೇಲ್ಕಂಡ ಹೇಳಿಕೆ ನೀಡಿದ್ದರು.