ಪಂಜಾಬ್‌ ಗುರುದಾಸ್‌ಪುರ ಗಡಿಯಲ್ಲಿ ಪಾಕ್‌ ಆಗಂತುಕನ ಹತ್ಯೆ

ಅಮೃತ್‌ಸರ: ಇಂದು ನಸುಕಿನ ವೇಳೆ ಪಂಜಾಬ್‌ ನಲ್ಲಿ ಅಂತಾರಾಷ್ಟ್ರೀಯ ಗಡಿ ದಾಳಿ ಭಾರತದೊಳಗೆ ನುಸುಳಿ ಬಂದ ಪಾಕ್‌ ವ್ಯಕ್ತಿಯನ್ನು ಗಡಿ ಭದ್ರತಾ ಪಡೆ ಸಿಬಂದಿಗಳು ಗುಂಡಿಕ್ಕಿ ಸಾಯಿಸಿದರು. 

ಗುರದಾಸ್‌ಪುರದ ಗಡಿ ಹೊರಠಾಣೆ ಸಮೀಪದ ಪಹಾಡಿಪುರದಲ್ಲಿ ಗಡಿ ಬೇಲಿಯಾಚೆ ಶಂಕಾಸ್ಪದ ಚಲನವಲನಗಳನ್ನು BSF  ಬಂದಿಗಳು ಗುರುತಿಸಿದರು. ಗಡಿ ದಾಟಿ ಒಳನುಸುಳಿ ಬಂದ ಅಗಂತುಕನನ್ನು ನಿಲುವಂತೆ ಬಿಎಸ್‌ಎಫ್ ಯೋಧರು ಹೇಳಿದಾಗ ಅದನ್ನಾತ ಲೆಕ್ಕಿಸದೆ ಮುಂದುವರಿದು ಬಂದ. ಒಡನೆಯೇ ಯೋಧರು ಆತನನ್ನು ಗುಂಡಿಕ್ಕಿ ಸಾಯಿಸಿದರು. 

ಆಗತುಂಕನನ್ನು ಗುಂಡಿಕ್ಕಿ ಸಾಯಿಸಲಾದ ಸ್ಥಳವನ್ನು ಯೋಧರು ಒಡನೆಯೇ ಸುತ್ತುವರಿದು ಆಗಂತುಕನ ಶವವನ್ನು ಹುಡುಕಾಡಿದರು. ಮಾತ್ರವಲ್ಲದೆ ಇತರ ಶಂಕಿತರು ಇಲ್ಲದಿರುವುದನ್ನು   ಖಚಿತಪಡಿಸಿಕೊಂಡರು. 

ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ.