England Test Series: ಇಂಗ್ಲೆಂಡ್‌ ಟೆಸ್ಟ್‌ ಸರಣಿಗೆ ಪಾಕಿಸ್ಥಾನ ತಂಡ ಪ್ರಕಟ

ಲಾಹೋರ್‌: ಇಂಗ್ಲೆಂಡ್‌ ಎದುರಿನ ಟೆಸ್ಟ್‌ ಸರಣಿಗೆ ಪಾಕಿಸ್ಥಾನ ತಂಡ ಪ್ರಕಟಗೊಂಡಿದೆ. ಎಡಗೈ ಸ್ಪಿನ್ನರ್‌ ನೊಮಾನ್‌ ಅಲಿ ಮತ್ತು ಫಾಸ್ಟ್‌ ಬೌಲಿಂಗ್‌ ಆಲ್‌ರೌಂಡರ್‌ ಆಮೀರ್‌ ಜಮಾಲ್‌ ಅವರನ್ನು ಮರಳಿ ಕರೆಸಿಕೊಳ್ಳಲಾಗಿದೆ.

37 ವರ್ಷದ ನೊಮಾನ್‌ ಅಲಿ 2023ರ ಜುಲೈಯಲ್ಲಿ ಕೊನೆಯ ಸಲ ಪಾಕ್‌ ಪರ ಆಡಿದ್ದರು. 15 ಟೆಸ್ಟ್‌ಗಳಿಂದ 47 ವಿಕೆಟ್‌ ಉರುಳಿಸಿದ್ದಾರೆ. ಖುರ್ರಂ ಶಾಜಾದ್‌ ಗಾಯಾಳಾದ ಕಾರಣ ಆಮೀರ್‌ ಜಮಾಲ್‌ ಅವಕಾಶ ಪಡೆದರು.

ಬಾಂಗ್ಲಾದೇಶ ವಿರುದ್ಧದ ತವರಿನ ಸರಣಿಯಲ್ಲಿ 2-0 ವೈಟ್‌ವಾಶ್‌ ಅನುಭವಿಸಿದ ಪಾಕಿಸ್ಥಾನವೀಗ ತೀವ್ರ ಒತ್ತಡಲ್ಲಿದೆ. ಶಾನ್‌ ಮಸೂದ್‌ ಅವರನ್ನೇ ನಾಯಕರನ್ನಾಗಿ ಮುಂದುವರಿಸಲಾಗಿದೆ.