2 ವರ್ಷಗಳ ಬಳಿಕ ಭಾರತಕ್ಕೆ ಪಿಸಿಬಿ ಅಧಿಕಾರಿಗಳ ತಂಡ

ಹೊಸದಿಲ್ಲಿ: ಕೋಲ್ಕತಾದಲ್ಲಿ ಎ. 21ರಂದು ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸಮಿತಿ (ಐಸಿಸಿ) ಸಭೆ ಆಯೋಜಿಸಿದೆ. ಇದಕ್ಕೆ ಪಾಕಿಸ್ಥಾನ ಕ್ರಿಕೆಟ್‌ ಮಂಡಳಿ (ಪಿಸಿಬಿ) ಅಧಿಕಾರಿಗಳು ಆಗಮಿಸಲಿದ್ದಾರೆ ಎನ್ನಲಾಗಿದೆ. 

ಬರೋಬ್ಬರಿ 2 ವರ್ಷಗಳ ಬಳಿಕ ಪಿಸಿಬಿ ಅಧಿಕಾರಿಗಳು ಭಾರತಕ್ಕೆ ಆಗಮಿಸುತ್ತಿದ್ದಾರೆ ಎನ್ನುವುದು ವಿಶೇಷ. ಸಭೆಗೆ ಪಿಸಿಬಿ ಮುಖ್ಯಸ್ಥ ನಿಜಾಮ್‌ ಸೇಥಿ, ಕ್ರಿಕೆಟ್‌ ನಿರ್ವಹಣಾ ಅಧಿಕಾರಿ ಸುಭಾನ್‌ ಅಹ್ಮದ್‌ ಆಗಮಿಸುತ್ತಿರುವ ಪ್ರಮುಖರು ಎನ್ನಲಾಗಿದೆ. 

ಇದೇ ವೇಳೆ ಭಾರತ -ಪಾಕಿಸ್ಥಾನ ನಡುವೆ ದ್ವಿಪಕ್ಷೀಯ ಕ್ರಿಕೆಟ್‌ ಸರಣಿ ನಡೆಸುವ ಕುರಿತು ಗಂಭೀರ ಮಾತುಕತೆ ನಡೆಯುವ ಸಾಧ್ಯತೆ ಇದೆ.