Pak ಉಗ್ರರ ಬಳಿ ಈಗ ಚೀನ ಅತ್ಯಾಧುನಿಕ ಎನ್‌ಕ್ರಿಪ್ಟ್ ಅಲ್ಟ್ರಾ ಹ್ಯಾಂಡ್‌ಸೆಟ್‌!

ಹೊಸದಿಲ್ಲಿ: ಜಮ್ಮು-ಕಾಶ್ಮೀರದಲ್ಲಿ ನಡೆದ ಎನ್‌ಕೌಂಟರ್‌ ವೇಳೆ ಹತರಾದ ಉಗ್ರರ ಬಳಿ ಚೀನದ ಅತ್ಯಾಧುನಿಕ ಎನ್‌ಕ್ರಿಪ್ಟ್ (ಗೂಢಲಿಪೀಕರಣ) ಮಾಡ ಲಾದ ಟೆಲಿಕಾಂ ಗೇರ್‌ “ಅಲ್ಟ್ರಾ ಸೆಟ್‌’ ಮೊಬೈಲ್‌ ಹ್ಯಾಂಡ್‌ಸೆಟ್‌ಗಳು ದೊರೆತಿವೆ. ಈ ಸಾಧನಗಳನ್ನು ಪಾಕಿಸ್ಥಾನ ಸೇನೆ ಬಳಸುತ್ತಿದ್ದು, ಅದೀಗ ಉಗ್ರರ ಕೈಗೂ ದೊರೆತಿದೆ ಎಂದು ಭಾರತೀಯ ಅಧಿಕಾ ರಿಗಳು ತಿಳಿಸಿದ್ದಾರೆ.

ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿನ ಉಗ್ರರಿಂದ ವಶಪಡಿಸಿಕೊಳ್ಳಲಾದ ಹ್ಯಾಂಡ್‌ಸೆಟ್‌ಗಳು ಉಗ್ರರಿಗೆ ಪಾಕಿಸ್ಥಾನವು ತನ್ನ ನೆಲದಲ್ಲಿ ತರಬೇತಿ ನೀಡುತ್ತಿರುವುದನ್ನು ಸೂಚಿಸುತ್ತಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಹ್ಯಾಂಡ್‌ಸೆಟ್‌ಗಳನ್ನು ಪಾಕಿಸ್ಥಾನ ಸೇನೆಗಾಗಿ ಚೀನದ ಕಂಪೆನಿಗಳು ತಯಾರಿಸಿ ಕೊಡುತ್ತವೆ.

ಈ ಸಾಧನಗಳು ಸಂದೇಶ ರವಾನೆ ಮತ್ತು ಸ್ವೀಕರಿಸುವುದಕ್ಕಾಗಿ ರೇಡಿಯೋ ತರಂಗಗಳಲ್ಲಿ ಕಾರ್ಯನಿರ್ವಹಿಸುತ್ತವೆ. ಪ್ರತೀ ಅಲ್ಟ್ರಾಸೆಟ್‌ ಮೊಬೈಲ್‌ ಗಡಿಯುದ್ದಕ್ಕೂ ಇರುವ ನಿಯಂತ್ರಣ ಕೇಂದ್ರಕ್ಕೆ ಸಂಪರ್ಕಿತವಾಗಿರುತ್ತದೆ. ಈ ಸಂದೇಶಗಳಿಗಾಗಿ ಚೀನ ಉಪಗ್ರಹಗಳನ್ನು ಬಳಸಲಾಗುತ್ತದೆ. ಸಂದೇಶಗಳನ್ನು ಬೈಟ್‌ಗಳಿಗೆ ತಗ್ಗಿಸಿ ಪಾಕಿಸ್ಥಾನದ ಮಾಸ್ಟರ್‌ ಸರ್ವರ್‌ ಮೂಲಕ ಹ್ಯಾಂಡ್‌ಸೆಟ್‌ಗಳಿಗೆ ರವಾನಿಸಲಾಗುತ್ತದೆ ಎಂದು ತಿಳಿಸಿದ್ದಾರೆ.