Padubidri: ಹೊಟೇಲ್‌ ಕಾರ್ಮಿಕನ ಮನೆಯಲ್ಲಿ ಕಳವು

ಪಡುಬಿದ್ರಿ: ಇಲ್ಲಿನ ಪೊಲೀಸ್‌ ಠಾಣಾ ವ್ಯಾಪ್ತಿಯ ಹೊಟೇಲ್‌ ಕಾರ್ಮಿಕ ಸದಾನಂದ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ.

ಸದಾನಂದ ಅವರು ಪಡುಬಿದ್ರಿಯ ಶ್ರೀದೇವಿ ಹೊಟೇಲ್‌ನಲ್ಲಿ ವೈಟರ್‌ ಆಗಿ ಕೆಲಸ ಮಾಡಿಕೊಂಡಿದ್ದು, ಅವರ ಪತ್ನಿ ಸೆ. 29ರಂದು ತನ್ನ ಅಕ್ಕನ ಪತಿಯ ಉತ್ತರ ಕ್ರಿಯೆಯ ಬಗ್ಗೆ ಶಿರ್ವ ಬಂಟಕಲ್ಲಿಗೆ ತೆರಳಿದ್ದರು.

ಸೆ. 30ರ ಬೆಳಗ್ಗೆ ಸದಾನಂದ ಅವರು ಮನೆಗೆ ಬೀಗ ಹಾಕಿ ಕೆಲಸಕ್ಕೆ ಹೋಗಿದ್ದರು. ಈ ಸಂದರ್ಭದಲ್ಲಿ ಮನೆಗೆ ಕನ್ನ ಹಾಕಿದ್ದ ಕಳ್ಳರು ಸುಮಾರು 50 ಸಾವಿರ ರೂ. ಮೌಲ್ಯದ ಚಿನ್ನಾಭರಣವನ್ನು ಕಳವು ಮಾಡಿಕೊಂಡು ಹೋಗಿದ್ದಾರೆ.

ಪಡುಬಿದ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.