Padubidri : ಸಹೋದರರ ಹೊಡೆದಾಟ: ಪ್ರಕರಣ ದಾಖಲು

ಪಡುಬಿದ್ರಿ: ಮದ್ಯಪಾನವೆಸಗಿ ಬಂದು ಮನೆಯಲ್ಲಿ ಮಾತಿಗೆ ಮಾತು ಬೆಳೆಸಿ ತಾಯಿಗೆ ಹೊಡೆದ ಪುತ್ರನೊಬ್ಬನಿಗೆ ಉಚ್ಚಿಲ ಸರಸ್ವತಿ ಮಂದಿರ ಶಾಲೆಯ ಬಳಿ ಆತನ ಸಹೋದರರು, ಬಾವಂದಿರು ಹಲ್ಲೆ ನಡೆಸಿರುವ ಬಗ್ಗೆ ಪರ-ವಿರುದ್ಧ ಪಡುಬಿದ್ರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿವೆ.

ಪ್ರವೀಣ್‌ ಕುಮಾರ್‌ ಅವರು ದೂರು ನೀಡಿ ತನ್ನ ಮೂವರು ತಮ್ಮಂದಿರು ಹಾಗೂ ಇಬ್ಬರು ಬಾವಂದಿರು ಸೆ. 27ರ ತಡರಾತ್ರಿಯ ವೇಳೆ ತನಗೆ ಕೈಯಿಂದ ಹಾಗೂ ರಾಡ್‌ನಿಂದ ಹೊಡೆದ ಪರಿಣಾಮ ತಾನು ಗಾಯಗೊಂಡಿರುವುದಾಗಿ ಹೇಳಿದ್ದಾರೆ.

ಈ ಕುರಿತು ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿ ಪ್ರವೀಣ್‌ ಕುಮಾರ್‌ ಚಿಕಿತ್ಸೆ ಪಡೆದಿದ್ದಾರೆ.

ತಾಯಿ ಲೀಲಾವತಿ ಅವರು ಆರೋಪಿ ಪುತ್ರ ಪ್ರವೀಣ್‌ ಕುಮಾರ್‌ ವಿರುದ್ಧ ಪೊಲೀಸರಿಗೆ ಪ್ರತಿದೂರನ್ನೂ ನೀಡಿದ್ದಾರೆ.