ಭತ್ತದ ಸಸಿ ಸಾಯುತ್ತಿವೆ, ರೈತರು ಏನು ಮಾಡಬೇಕು?

ಮಲೇಬೆನ್ನೂರು: ಸರದಿ ಪ್ರಕಾರ ನೀರು ಹರಿಸಿದರೂ ಕೊನೆಭಾಗದ ರೈತರ ಜಮೀನುಗಳಿಗೆ ನೀರು ಬಂದಿಲ್ಲ. ಭತ್ತದ ಸಸಿಗಳು ಸಾಯುತ್ತಿವೆ. ರೈತರು ಏನು ಮಾಡಬೇಕು? ಎಂದು ಶಾಸಕ ಎಸ್‌. ರಾಮಪ್ಪ ಎಇಇ ಸಂತೋಷ್‌ ಗೆ ತರಾಟೆಗೆ ತೆಗೆದುಕೊಂಡರು.

ಭದ್ರಾ ನಾಲೆಯ ಕೊನೆಭಾಗದ ಹಳ್ಳಿಗಳಾದ ಕಮಲಾಪುರ, ಸಿರಿಗೆರೆ ಹಾಗೂ ಭಾನುವಳ್ಳಿ ಗ್ರಾಮಗಳ ಹೊಲಗಳಿಗೆ ಭೇಟಿ ನೀಡಿ, ಭತ್ತದ ಸಸಿಗಳು ನೀರಿಲ್ಲದೆ ಒಣಗುತ್ತಿವೆ. ರೈತರ ಗತಿ ಏನಾಗಬೇಕು? ಗೇಜ್‌ ಬರ್ತಾ ಇಲ್ಲ ಅಂತ ಕಾರಣ ಕೊಡುವುದನ್ನು ನಿಲ್ಲಿಸಿ. ಈ ಕೂಡಲೇ ನೀರು ತಲುಪಿಸುವ ವ್ಯವಸ್ಥೆ ಮಾಡಿ. ನೀವು ಪ್ರಾಮಾಣಿಕವಾಗಿ ಮೂರು ತಿಂಗಳು ನೀರು ಕೊಟ್ಟರೆ ಸಾಕು. ರೈತರು ಬದುಕುತ್ತಾರೆ ಎಂದರು. ರೈತರಾದ ದೊಡ್ಡಬಸಪ್ಪ, ಷಣ್ಮುಖಪ್ಪ, ಪ್ರಕಾಶ್‌ ಇನ್ನಿತರು ಇದ್ದರು.