ಪಂಜಾಬ್‌ ಗಡಿಯಲ್ಲಿ ಅಪಾರ ಮಾದಕ ದ್ರವ್ಯ ವಶ; 10 ಪಾಕಿಗಳ ಸೆರೆ

ಜಮ್ಮು : ಪಂಜಾಬ್‌ ನ ಅಂತಾರಾಷ್ಟ್ರೀಯ ಗಡಿಯಲ್ಲಿ  ಈ ವರ್ಷ ಈ ತನಕ 150 ಕೆಜಿಗೂ ಅಧಿಕ ಪ್ರಮಾಣದ ಹೆರಾಯಿನ್‌ ವಶಪಡಿಸಿಕೊಳ್ಳಲಾಗಿದೆ ಮತ್ತು 10 ಪಾಕ್‌ ಮಾದಕ ದ್ರವ್ಯ ಕಳ್ಳಸಾಗಾಟಗಾರರನ್ನು ಬಂಧಿಸಲಾಗಿದೆ ಎಂದು ಹಿರಿಯ ಅಧಿಕಾರಿಯೋರ್ವರು ತಿಳಿಸಿದ್ದಾರೆ. 

ಪಂಜಾಬ್‌ ಅಂತಾರಾಷ್ಟ್ರೀಯ ಗಡಿಯಲ್ಲಿ ಈ ವರ್ಷ ಈ ತನಕ 158.74 ಕಿಲೋ ಹೆರಾಯಿನ್‌ ಮತ್ತು 1.98 ಕಿಲೋ ಅಫೀಮನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಬಿಎಸ್‌ಎಫ್ನ ಡಿಐಜಿ ಆರ್‌ ಎಸ್‌ ಕಟಾರಿಯಾ ತಿಳಿಸಿದರು.

ಈ ಪ್ರಕರಣಗಳಲ್ಲಿ ಬಂಧಿಸಲ್ಪಟ್ಟ 10 ಪಾಕ್‌ ಕಳ್ಳಸಾಗಣೆಗಾರರಿಂದ 10 ಮೊಬೈಲ್‌, 25 ಸಿಮ್‌ ಕಾರ್ಡ್‌ಗಳನ್ನು ಕೂಡ ವಶಪಡಿಸಿಕೊಳ್ಳಲಾಗಿದೆ ಎಂದವರು ಹೇಳಿದರು.