Parliament; ಸಚಿವರು ನೀಡಿದ್ದ 913 ಆಶ್ವಾಸನೆಗಳ ಪೈಕಿ 583 ಈಡೇರಿಕೆ

ನವದೆಹಲಿ:ಕಳೆದ 3 ವರ್ಷಗಳ ಅವಧಿಯಲ್ಲಿ ಸಂಸತ್‌ನಲ್ಲಿ ಸಚಿವರು ಒಟ್ಟು 913 ಆಶ್ವಾಸನೆಗಳನ್ನು ನೀಡಿದ್ದು, ಆ ಪೈಕಿ 583 ಆಶ್ವಾಸನೆಗಳನ್ನು ಅನುಷ್ಠಾನಗೊಳಿಸಲಾಗಿದೆ.

330 ಇನ್ನೂ ಇತ್ಯರ್ಥಕ್ಕೆ ಬಾಕಿಯಿವೆ ಎಂದು ಸಂಸದೀಯ ವ್ಯವಹಾರಗಳ ಖಾತೆ ರಾಜ್ಯ ಸಚಿವ ಎಲ್‌. ಮುರುಗನ್‌ ತಿಳಿಸಿದ್ದಾರೆ.

ರಾಜ್ಯಸಭೆಯಲ್ಲಿ ಕೇಳಲಾದ ಪ್ರಶ್ನೆಯೊಂದಕ್ಕೆ ಉತ್ತರಿಸುತ್ತಾ, ನೀತಿಗಳಲ್ಲಿ ಕೆಲವು ಬದಲಾವಣೆಗಳು ಹಾಗೂ ತಿದ್ದುಪಡಿಗಳ ಅವಶ್ಯಕತೆಯಿದ್ದ ಕಾರಣ ಕೆಲವು ಆಶ್ವಾಸನೆಗಳು ಪೂರ್ಣಗೊಳ್ಳದೇ ಉಳಿದವು ಎಂದಿದ್ದಾರೆ.

ಮುಂಬರುವ 3 ತಿಂಗಳೊಳಗಾಗಿ ಎಲ್ಲಾ ಭರವಸೆಗಳೂ ಪೂರ್ಣಗೊಳ್ಳಲಿವೆ. ಯೋಜನಾ ಅವಧಿಯನ್ನು ಸಂಬಂಧಪಟ್ಟ ಸಮಿತಿಗಳು ನೋಡಿಕೊಳ್ಳಲಿದೆ ಎಂದು ಮುರುಗನ್‌ ಮಾಹಿತಿ ನೀಡಿದರು.