ಮಹಿಳೆಯರ ಭದ್ರತೆಗೆ ನಮ್ಮ ಸರ್ಕಾರ ಬದ್ಧ: ಮೋದಿ

ಅಮರಾವತಿ: ಹನ್ನೆರಡು ವರ್ಷದೊಳಗಿನ ಹೆಣ್ಣು ಮಕ್ಕಳ ಮೇಲೆ ಅತ್ಯಾಚಾರ ಎಸಗಿದ ಅಪರಾಧಿಗಳಿಗೆ ಗಲ್ಲು ಶಿಕ್ಷೆ ನೀಡಬಹುದಾದ ಕಾನೂನನ್ನು ಜಾರಿಗೊಳಿಸುವ ಮೂಲಕ ತಮ್ಮ ಸರ್ಕಾರ ಮಹಿಳೆಯರ ಸಂರಕ್ಷಣೆಗೆ ಬದ್ಧವಾಗಿರುವುದನ್ನು ಸಾಬೀತುಪಡಿಸಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ. 

ಆಂಧ್ರಪ್ರದೇಶದ ಬೂತ್‌ ಮಟ್ಟದ ಬಿಜೆಪಿ ಕಾರ್ಯಕರ್ತರಿಗಾಗಿ ಆಯೋಜಿಸಲಾಗಿದ್ದ “ಮೇರಾ ಬೂತ್‌ ಸಬ್ಸ್ ಮಜ ಬೂತ್‌’ ಅಭಿ  ಯಾನದಲ್ಲಿ ಪಾಲ್ಗೊಂಡು ಕಾರ್ಯಕರ್ತರೊಂದಿಗೆ ವಿಡಿಯೋ ಕಾನ್ಫರೆನ್ಸ್‌ ಮೂಲಕ ಸಂವಾದ ನಡೆಸಿದ ಅವರು, ಸಕಲ ನಾಗರಿಕರಿಗೂ ಭದ್ರತೆ ಕಲ್ಪಿಸು ವಲ್ಲಿ ತಮ್ಮ ಸರ್ಕಾರ ಕಟಿಬದ್ಧ ವಾಗಿದೆ. 40 ವರ್ಷಗಳಿಂದ ದೇಶ ವನ್ನು ಕಾಡಿದ್ದ ಉಗ್ರವಾದವನ್ನು ಸರ್ಜಿಕಲ್‌ ದಾಳಿಯ ಮೂಲಕ ಹಿಮ್ಮೆಟ್ಟಿಸಲು ಯತ್ನಿಸಿದ್ದೇವೆ ಎಂದರು. 

ಇದೇ ವೇಳೆ, ಮಹಾ ಘಟ ಬಂಧನ್‌ಗೆ ಕೈ ಜೋಡಿಸಿರುವ ಆಂಧ್ರ ಪ್ರದೇಶದ ಮುಖ್ಯಮಂತ್ರಿ ಚಂದ್ರ ಬಾಬು ನಾಯ್ಡು ವಿರುದ್ಧ ವಾಗ್ಧಾಳಿ ನಡೆಸಿದ ಅವರು, “”ದುಷ್ಟ ಪಕ್ಷವಾದ ಕಾಂಗ್ರೆಸ್‌ ಜತೆಗೆ ನಾಯ್ಡು ಕೈ ಜೋಡಿಸಿದ್ದಾರೆ. ಅವರ ಪಕ್ಷ ಕೇಂದ್ರದ ವಿರುದ್ಧ ಸುಳ್ಳುಗಳ ಸುರಿಮಳೆ ಸುರಿಸುತ್ತಿದೆ. ಅವರ ಸರ್ಕಾರ ಭ್ರಷ್ಟಾ ಚಾರದಲ್ಲಿ ಮುಳು ಗೇಳುತ್ತಿದ್ದು, ಬಿಜೆಪಿಯು ಇಡೀ ಆಂಧ್ರದ ಒಳಿತಾಗಿ ದುಡಿಯುವ ಛಾತಿ ಹೊಂದಿದೆ” ಎಂದರು.