Netflix; ಕಂದಹಾರ್‌ ಸರಣಿಯಲ್ಲಿ ಉಗ್ರರ ಮೂಲ ಹೆಸರಿನ ಡಿಸ್‌ಕ್ಲೈಮರ್‌: ನೆಟ್‌ ಫ್ಲಿಕ್ಸ್‌

ಹೊಸದಿಲ್ಲಿ: ನೆಟ್‌ಫ್ಲಿಕ್ಸ್‌ ಸರಣಿ “ಐಸಿ814-ದಿ ಕಂದಹಾರ್‌ ಹೈಜಾಕ್‌’ನಲ್ಲಿ ಉಗ್ರರ ಹೆಸರಿನ ಕುರಿತ ವಿವಾದ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರದಿಂದ ಸಮನ್ಸ್‌ ಜಾರಿಯಗುತ್ತಿದ್ದಂತೆಯೇ ನೆಟ್‌ಫ್ಲಿಕ್ಸ್‌ ಎಚ್ಚೆತ್ತು ಕೊಂಡಿದೆ.

ಹೈಜಾಕ್‌ ಮಾಡಿದ ಉಗ್ರರ ಕೋಡ್‌ ನೇಮ್‌ ಜತೆಗೆ ನಿಜವಾದ ಹೆಸರನ್ನೂ ಚಿತ್ರದ ಆರಂಭದಲ್ಲಿ ಬರುವ ಪ್ರಕಟನೆ (ಓಪನಿಂಗ್‌ ಡಿಸ್‌ಕ್ಲೈಮರ್‌)ಯಲ್ಲೇ ಅಪ್‌ಡೇಟ್‌ ಮಾಡುವುದಾಗಿ ಹೇಳಿದೆ.  ವಿಮಾನವನ್ನು ಹೈಜಾಕ್‌ ಮಾಡಿದ ಉಗ್ರರು ತಮ್ಮ ಮುಸ್ಲಿಂ ಹೆಸರುಗಳನ್ನು ಮುಚ್ಚಿಟ್ಟು ಪ್ರಯಾಣಿಕರಿಗೆ ತಮ್ಮ ಕೋಡ್‌ ನೇಮ್‌ಗಳಾದ ಭೋಲಾ, ಶಂಕರ ಎಂದು ಹೇಳಿಕೊಂಡಿದ್ದರು.

ವೆಬ್‌ ಸರಣಿಯಲ್ಲಿ ಅದೇ ಹೆಸರುಗಳೊಂದಿಗೆ ಉಗ್ರರನ್ನು ಪರಿಚಯಿಸಲಾಗಿದ್ದು, ಹೈಜಾಕ್‌ ನಡೆಸಿದ್ದು ಹಿಂದೂಗಳೇ ಎನ್ನುವಂಥ ತಪ್ಪು ಮಾಹಿತಿ ನೀಡಲಾಗಿದೆ ಎಂದು ಆಕ್ಷೇಪ ವ್ಯಕ್ತವಾಗಿತ್ತು.