ಒಎನ್‌ಜಿಸಿ ನಿವ್ವಳ ಲಾಭ ಬರೋಬ್ಬರಿ 15,206 ಕೋಟಿ ರೂ.

ಜೂನ್‌ ಅಂತ್ಯಕ್ಕೆ ಮುಕ್ತಾಯವಾದ ತ್ತೈಮಾಸಿಕ ಅವಧಿಯಲ್ಲಿ ಸರ್ಕಾರಿ ಸ್ವಾಮ್ಯದ ತೈಲ ಮತ್ತು ನೈಸರ್ಗಿಕ ಅನಿಲ ನಿಗಮ(ಒಎನ್‌ಜಿಸಿ) ಬರೋಬ್ಬರಿ 15,205.85 ಕೋಟಿ ರೂ. ನಿವ್ವಳ ಲಾಭವನ್ನು ಗಳಿಸಿದೆ.

ಕಂಪನಿಯ ಲಾಭವು ಶೇ.251ರಷ್ಟು ಜಿಗಿದಿದ್ದು, ಆದಾಯವು ಶೇ.84ರಷ್ಟು ಹೆಚ್ಚಳವಾಗಿದೆ. ಜೂನ್‌ಗೆ ಅಂತ್ಯವಾದ ತ್ತೈಮಾಸಿಕದಲ್ಲಿ ಕಂಪನಿ 42,321 ಕೋಟಿ ರೂ. ಆದಾಯಗಳಿಸಿದೆ.

ತೈಲ ದರ ಮತ್ತು ದೇಶೀಯ ಗ್ಯಾಸ್‌ ದರದಲ್ಲಾದ ಹೆಚ್ಚಳದಿಂದಾಗಿ ಆದಾಯ ಏರಿಕೆಯಾಗಿದೆ ಎಂದು ಕಂಪನಿ ಹೇಳಿದೆ.