ನಿಷೇಧಿತ ಕೆಮ್ಮು ಸಿರಪ್ ಬಾಟಲಿ ವಶ; ಓರ್ವನ ಬಂಧನ

ಕೋಲ್ಕತ್ತಾ: ನಿಷೇಧಿತ ಕೆಮ್ಮು ಸಿರಪ್ ಬಾಟಲಿಯನ್ನು ಕೋಲ್ಕತ್ತಾದಲ್ಲಿ ಪೋಲಿಸರು ಪತ್ತೆ ಹಚ್ಚಿದ್ದು ಒಬ್ಬನನ್ನುಬಂಧಿಸಲಾಗಿದೆ.

ನಗರದಲ್ಲಿ ನಿಷೇಧಿತ ಕೆಮ್ಮು, ಸಿರಪ್ ಬಾಟಲಿಗಳು ಲಭ್ಯವಾಗುತ್ತಿರುವುದರ ಸುಳಿವು ಪಡೆದ ಪೊಲೀಸರು ಗುರುವಾರ ರಾತ್ರಿಯೇ ಮನೆಯೊಂದರ ಮೇಲೆ ದಾಳಿ ನಡೆಸಿದ್ದರು. ನಗರದ ಹೊಸ ಮಾರುಕಟ್ಟೆ ಪ್ರದೇಶದಲ್ಲಿ ದಾಳಿ ನಡೆಸಲಾಗಿದ್ದು, ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಒಟ್ಟು 176.4 ಗ್ರಾಂ. ಸಿರಪ್ ಅನ್ನು 882 ಬಾಟಲಿಗಳಲ್ಲಿ ತುಂಬಿಸಿಡಲಾಗಿತ್ತು. ಕೊಡೆನ್ ಫಾಸ್ಫೇಟ್, ಎಂಬ ಈ ಸಿರಪ್ ಅಫೀಮು ಉತ್ಪನ್ನವಾಗಿದ್ದು ಮಾಧಕ ವ್ಯಸನದ ರೀತಿಯಲ್ಲಿ ಬಳಸಲಾಗುತ್ತದೆ. ಮಾದಕ ವ್ಯಸನಿಗಳಲ್ಲಿ ಹೆಚ್ಚಾಗಿ ಈ ಕೊಡೆನ್ ಫಾಸ್ಫೇಟ್ ಅಂಶ ಹೇರಳವಾಗಿರುತ್ತದೆ. ಈ ಕಾರಣಕ್ಕಾಗಿ ಇದನ್ನು ಭಾರತದಲ್ಲಿ ನಿಷೇಧಿಸಲಾಗಿದೆ.