22ರಂದು ಬಾನಳ್ಳಿ ಉಣ್ಣಕ್ಕಿ ಜಾತ್ರೆ

ಮೂಡಿಗೆರೆ: ಅಲುಗಾಡುವ ಚಮತ್ಕಾರಿ ಹುತ್ತ ಎಂದೆ ಪ್ರಖ್ಯಾತವಾಗಿರುವ ಬಾನಳ್ಳಿ ಉಣ್ಣಕ್ಕಿ ಜಾತ್ರೆ ನ.22ರಂದು ನಡೆಯಲಿದೆ ಎಂದು ಸಮಿತಿ ಅಧ್ಯಕ್ಷ ಪ್ರತಾಪ್‌ ಬಾನಳ್ಳಿ ತಿಳಿಸಿದ್ದಾರೆ. ಸೋಮವಾರ ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಅವರು, ಈ ದೇವರು ಹಲವು ವೈಶಿಷ್ಟÂಗಳಿಂದ ಕೂಡಿದೆ ಎಂದಿದ್ದಾರೆ. ಅಂದು ಬೆಳಗ್ಗಿನಿಂದ ವಿವಿಧ ಪೂಜಾ ಕಾರ್ಯಗಳು ನೆರವೇರಲಿದೆ. 

ಸಂಜೆ 8.00 ಗಂಟೆಗೆ ಮಹಾಮಂಗಳಾರತಿ, ಪ್ರಸಾದ ವಿನಿಯೋಗ ನಡೆಯಲಿದೆ. ಪುರಾತನ ಕಾಲದಿಂದಲೂ ಬಾನಳ್ಳಿ ಉಣ್ಣಕ್ಕಿ ಜಾತ್ರೆಯನ್ನು ಮಕ್ಕಳ ಜಾತ್ರೆಯಾಗಿ ಅಚರಿಸುತ್ತಾ ಬರಲಾಗುತ್ತಿದೆ. ಈ ಹಿಂದೆ ದನ ಕಾಯುವ ಹುಡುಗರು ಇಲ್ಲಿನ ಚಮತ್ಕಾರಗಳನ್ನು ತಿಳಿದು ಪೂಜಿಸುತ್ತಾ ಕಾಲಕ್ರಮೇಣ ಇದರ ಮಹತ್ವ ತಿಳಿದು ಸುತ್ತಮುತ್ತಲು ಹರಡಿ ರಾಜ್ಯದ ವಿವಿಧ ಮೂಲೆಗಳಿಂದ ಸಾವಿರಾರು ಭಕ್ತರು ತಮ್ಮ ಕಷ್ಟಗಳನ್ನು ಪರಿಹರಿಸಿಕೊಳ್ಳಲು ಆಗಮಿಸುತ್ತಾರೆ ಎಂದು ತಿಳಿಸಿದ್ದಾರೆ.