ಚಿಕ್ಕಲೆಕ್ಕಿ ಹಾಳ ಸರ್ಕಾರಿ ಶಾಲೆಗೆ ಅಧಿಕಾರಿ ಭೇಟಿ-ಪರಿಶೀಲನೆ

ನಾಗರಹಾಳ: ಸಮೀಪದ ಚಿಕ್ಕಲೆಕ್ಕಿಹಾಳ ಗ್ರಾಮದ ಸರಕಾರಿ ಪ್ರೌಢಶಾಲೆಗೆ ಜಿಪಂನ ಎಇಇ ಶಿವುಕುಮಾರ ಶುಕ್ರವಾರ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಗ್ರಾಪಂ ವ್ಯಾಪ್ತಿಯ ಸರಕಾರಿ ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳಲ್ಲಿ ಕುಡಿಯುವ ನೀರು, ಶೌಚಾಲಯ, ಶಿಕ್ಷಕರ ಕೊರತೆ, ಹಳೆಯ ಕಟ್ಟಡಗಳ ದುರಸ್ತಿ ಸೇರಿದಂತೆ ಇನ್ನಿತರ ಸೌಕರ್ಯಗಳನ್ನು ಒದಗಿಸಲು ಸರಕಾರ ಮುಂದಾಗಿದೆ. ಈ ನಿಟ್ಟಿನಲ್ಲಿ ಸಮಸ್ಯೆ ಗಳಿರುವ ಶಾಲೆಗಳನ್ನು ಗುರುತಿಸಿ ಮೇಲಧಿಕಾರಿಗಳಿಗೆ ವರದಿ ನೀಡಲಾಗುವುದು ಎಂದರು.

ಈ ಸಂದರ್ಭದಲ್ಲಿ ಶಿಕ್ಷಕರಾದ ನಾಗನಾಥ, ಅಮರಯ್ಯ, ಚಿದಾನಂದ ಮೇಟಿ, ಅಮರಯ್ಯ, ಸಾಚಪ್ಪ, ಕರ ವಸೂಲಿಗಾರ ಗದ್ದೆಪ್ಪ ಮುಂತಾದವರು ಇದ್ದರು.