ODI series; ಕ್ಲೀನ್‌ಸ್ವೀಪ್‌ ತಪ್ಪಿಸಿಕೊಂಡ ದಕ್ಷಿಣ ಆಫ್ರಿಕಾ

ಶಾರ್ಜಾ: ಅಫ್ಘಾನಿಸ್ಥಾನ ವಿರುದ್ಧದ ಅಂತಿಮ ಏಕದಿನ ಪಂದ್ಯವನ್ನು 7 ವಿಕೆಟ್‌ಗಳಿಂದ ಗೆದ್ದ ದಕ್ಷಿಣ ಆಫ್ರಿಕಾ ಕ್ಲೀನ್‌ಸ್ವೀಪ್‌ ಅವಮಾನದಿಂದ ಪಾರಾಗಿದೆ. 3 ಪಂದ್ಯಗಳ ಸರಣಿಯನ್ನು ಅಫ್ಘಾನ್‌ ಪಡೆ 2-1ರಿಂದ ಜಯಿಸಿದೆ.

ಮೊದಲು ಬ್ಯಾಟಿಂಗ್‌ ನಡೆಸಿದ ಅಫ್ಘಾನಿಸ್ಥಾನ 34 ಓವರ್‌ಗಳಲ್ಲಿ 169ಕ್ಕೆ ಕುಸಿದರೆ, ದಕ್ಷಿಣ ಆಫ್ರಿಕಾ 33 ಓವರ್‌ಗಳಲ್ಲಿ 3 ವಿಕೆಟಿಗೆ 170 ರನ್‌ ಬಾರಿಸಿತು. ಮೊದಲೆರಡು ಪಂದ್ಯಗಳಲ್ಲಿ ಹರಿಣಗಳ ಪಡೆ 106 ಮತ್ತು 134ಕ್ಕೆ ಕುಸಿದು ಅಫ್ಘಾನ್‌ಗೆ ಶರಣಾಗಿತ್ತು.

ಅಫ್ಘಾನಿಸ್ಥಾನ ಪರ ರೆಹಮಾನುಲ್ಲ ಗುರ್ಬಜ್‌ ಏಕಾಂಗಿ ಯಾಗಿ ಹೋರಾಡಿ 89 ರನ್‌ ಹೊಡೆದರು. ಕೊನೆಯಲ್ಲಿ ಅಲ್ಲಾಹ್‌ ಘಜನ್‌ಫ‌ರ್‌ 31 ರನ್‌ ಮಾಡಿದರು. ದಕ್ಷಿಣ ಆಫ್ರಿಕಾ ಪರ ಲುಂಗಿ ಎನ್‌ಗಿಡಿ, ಎನ್‌ಕ್ವಾಬ ಪೀಟರ್‌, ಆ್ಯಂಡಿಲ್‌ ಫೆಲುಕ್ವಾಯೊ ತಲಾ 2 ವಿಕೆಟ್‌ ಉರುಳಿಸಿದರೆ, ಮೂವರು ರನೌಟಾದರು. ದಕ್ಷಿಣ ಆಫ್ರಿಕಾ ಬ್ಯಾಟಿಂಗ್‌ ಸರದಿಯಲ್ಲಿ ಅಜೇಯ 69 ರನ್‌ ಹೊಡೆದ ಐಡನ್‌ ಮಾರ್ಕ್‌ರಮ್‌ ಅವರದು ಸರ್ವಾಧಿಕ ಗಳಿಕೆ ಆಗಿತ್ತು.