Hindu Heritage Month: ಅಮೆರಿಕದಲ್ಲಿ ಅಕ್ಟೋಬರ್‌ “ಹಿಂದೂ ಪಾರಂಪರಿಕ ಮಾಸ”

ವಾಷಿಂಗ್ಟನ್‌: ಅಮೆರಿಕದ ರಾಜ್ಯವಾದ ಜಾರ್ಜಿಯ ಅಕ್ಟೋಬರ್‌ ಮಾಸವನ್ನು ಅಧಿಕೃತವಾಗಿ “ಹಿಂದೂ ಪಾರಂಪರಿಕ ಮಾಸ’ ಎಂದು ಘೋಷಿಸಿದೆ. ರಾಜ್ಯದಲ್ಲಿರುವ ಭಾರತೀಯ ಮೂಲದ ಸಮುದಾಯಗಳ ಮಹತ್ತರ ಕೊಡುಗೆಯನ್ನು ಶ್ಲಾ ಸುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಂಡಿರುವುದಾಗಿ ತಿಳಿಸಿದೆ.

ಜಾರ್ಜಿಯ ಗವರ್ನರ್‌ ಬ್ರಿಯಾನ್‌ ಕೆಂಪ್‌ ಅವರು ಹಿಂದೂ ಪಾರಂಪರಿಕ ಮಾಸವನ್ನು ಘೋಷಿಸಿದ್ದು, ಭಾರತದ ವೈವಿಧ್ಯಮಯ ಸಂಸ್ಕೃತಿ, ಅಧ್ಯಾತ್ಮಿಕ ಸಂಪ್ರದಾಯಗಳಿಗೆ ಮಹತ್ವ ನೀಡಿ, ಅವುಗಳ ಆಚರಣೆ, ಅನುಸರಣೆಗಳ ಮೂಲಕ ಈ ಮಾಸವನ್ನು ಸಂಭ್ರಮಿಸಲಾಗುವುದು ಎಂದು ಹೇಳಿದ್ದಾರೆ. ಅಲ್ಲದೇ, ರಾಜ್ಯವನ್ನು ಸಮೃದ್ಧಗೊಳಿಸುವ ನಿಟ್ಟಿನಲ್ಲಿ ಚೈತನ್ಯಪೂರ್ಣವಾದ ಭಾರತೀಯ ಸಮುದಾಯ ನೀಡಿರುವ ಮಹತ್ತರ ಕೊಡುಗೆಯನ್ನು ಈ ಮೂಲಕ ಗೌರವಿಸಲಾಗುವುದು ಎಂದೂ ತಿಳಿಸಿದ್ದಾರೆ.