ರೇವಣ್ಣ ಪಟ್ಟು : ಪ್ರಮಾಣ ವಚನ ಮುಹೂರ್ತ 2.12ಕ್ಕೆ ನಿಗದಿ

ಬೆಂಗಳೂರು : ಜ್ಯೋತಿಷಿಗಳ ಸಲಹೆ ಪಡೆದು ಅಧಿಕಾರದ ಗದ್ದುಗೆ ಏರುವ ಮುಹೂರ್ತವನ್ನು ಫಿಕ್ಸ್‌ ಮಾಡುವುದು ರಾಜಕಾರಣಿಗಳು ಹಿಂದಿನಿಂದಲೂ ಅನುಸರಿಸುತ್ತಿರುವ ಪರಿಪಾಠ. 

ಇದೀಗ ನಾಳೆ ಬುಧವಾರ ನೂತನ ಸಚಿವರ ಪ್ರಮಾಣ ವಚನಕ್ಕೆ ಎಚ್‌ ಡಿ ರೇವಣ್ಣ ಅವರು ಪಡೆದಿರುವ ಜ್ಯೋತಿಷಗಳ ಸಲಹೆಯ ಪ್ರಕಾರ ಮುಹೂರ್ತ ಫಿಕ್ಸ್‌ ಆಗಿದೆ. ಮೊದಲು ಮಧ್ಯಾಹ್ನ 2 ಗಂಟೆಗೆಂದು ಗೊತ್ತಾಗಿದ್ದ ಸಮಯವನ್ನು ರೇವಣ್ಣ ಅವರ ಒತ್ತಾಯದ ಪ್ರಕಾರ 2.12ಕ್ಕೆಂದು ಮರು ನಿಗದಿಸಲಾಗಿದೆ ಎಂದು ತಿಳಿದು ಬಂದಿದೆ. 

ಸುಮಾರು ಹದಿನೈದು ದಿನಗಳಿಂದ ಸಾಗುತ್ತಿದ್ದ ಸಚಿವ ಸಂಪುಟ ಬಿಕ್ಕಟ್ಟು ಕೊನೆಗೂ (ಸದ್ಯದ ಮಟ್ಟಿಗೆ) ಬಗೆಹರಿದಿರುವಂತೆ ಕಾಣುತ್ತದೆ. ನೂತನ ಸಚಿವರು ನಾಳೆ ಬುಧವಾರ ಪ್ರಮಾಣ ವಚನ ಸ್ವೀಕರಿಸುತ್ತಾರಾದರೂ ಯಾರಿಗೆ ಯಾವ ಖಾತೆ ಎಂಬುದು ಮಾತ್ರ ಇನ್ನೂ ನಿಗೂಢವಾಗಿದೆ.