“ವಾಯ್ಸ್‌ ಕಮಾಂಡ್‌’ನಲ್ಲಿ ಸಿಗಲಿದೆ ಆಕಾಶವಾಣಿ 

ನವದೆಹಲಿ:ಜಗತ್ತಿನ ಯಾವುದೇ ಮೂಲೆಯಲ್ಲಿದ್ದರೂ ಇನ್ನು ಆಲ್‌ ಇಂಡಿಯಾ ರೇಡಿಯೋ (ಎಐಆರ್‌) ಕಾರ್ಯಕ್ರಮಗಳನ್ನು ಕೇವಲ ಒಂದೇ ಒಂದು ವಾಯ್ಸ ಕಮಾಂಡ್‌ (ಧ್ವನಿ ಆದೇಶ) ಸಹಾಯದಿಂದ ಕೇಳಬಹುದು! ಇಂಥದ್ದೊಂದು ಸೌಲಭ್ಯ ಕಲ್ಪಿಸುವ ಕುರಿತು ಅಮೆಜಾನ್‌ ಎಕೋ ಜತೆಗೆ ಎಐಆರ್‌ ಒಪ್ಪಂದ ಮಾಡಿಕೊಂಡಿದೆ.

ಇದನ್ನು ಅಪೇಕ್ಷಿಸುವವರು, ಅಮೆಜಾನ್‌ ಇ-ಮಾರಾಟ ಜಾಲತಾಣದಲ್ಲಿ ಸಿಗುವ ಅಮೆಜಾನ್‌ ಎಕೋ ಎಂಬ ಪರಿಕರ ಕೊಳ್ಳಬೇಕಿದೆ. ಇದೊಂದು ಧ್ವನಿ ಆದೇಶ ಆಧಾರಿತ ಪರಿಕರವಾಗಿದ್ದು, ಇದರಲ್ಲಿ ಜಗತ್ತಿನ ನಾನಾ ರೇಡಿಯೋ ಸಂಸ್ಥೆಗಳ ಕಾರ್ಯಕ್ರಮಗಳನ್ನು ಕೇಳಬಹುದಾಗಿರುವುದರಿಂದ ಎಐಆರ್‌ ಕಾರ್ಯಕ್ರಮಗಳನ್ನೂ ಆಲಿಸಬಹುದಾಗಿದೆ.