Advertisement
ವಲಯ ಮಟ್ಟದ ರೈಲ್ವೇ ಬಳಕೆದಾರರ ಸಲಹಾ ಸಮಿತಿ (ಝಡ್‌ಆರ್‌ಯುಸಿಸಿ) ಸಭೆ ನಡೆಯದೇ ಇರುವುದರಿಂದ ರೈಲು ನಂ. 16575/576 ವಿಸ್ತರಣೆ ಪ್ರಸ್ತಾಪ ಇನ್ನು ನನೆಗುದಿಗೆ ಬಿದ್ದಿದೆ. ಹೀಗಾಗಿ ಸಭೆಗೆ ಕಾಯುವ ಬದಲು ಸಮಿತಿಯ ಎಲ್ಲ ಸದಸ್ಯರಿಗೆ ಪ್ರತ್ಯೇಕ ಪತ್ರ ಬರೆದು ಮಂಗಳೂರು ಸೆಂಟ್ರಲ್‌ಗೆ ಆದಷ್ಟು ಬೇಗ ವಿಸ್ತರಿಸಬೇಕು ಎನ್ನುವ ಒತ್ತಾಯಗಳು ಕೇಳಿಬಂದಿವೆ.
ಗೋಮಟೇಶ್ವರ ಎಕ್ಸ್‌ಪ್ರೆಸ್‌ ರೈಲು ಅನ್ನು ಮಂಗಳೂರು ಜಂಕ್ಷನ್‌ಗೆ ವಿಸ್ತರಿಸುವ ಪ್ರಸ್ತಾವಕ್ಕೆ ಗ್ರೀನ್‌ ಸಿಗ್ನಲ್‌ ನೀಡಲು ರೈಲ್ವೇ ಅಧಿಕಾರಿಗಳು ದಕ್ಷಿಣ ರೈಲ್ವೇ ವಲಯ ಝಡ್‌ಆರ್‌ಯುಸಿಸಿ ಸಭೆ ನಡೆಯುವುದನ್ನು ಕಾಯುತ್ತಿದ್ದಾರೆ. ಒಂದು ವೇಳೆ ಮುಂದಿನ ಸಭೆಯಲ್ಲಿ ಪ್ರಸ್ತಾವನೆ ಮಂಡನೆಯಾಗಿ ರೈಲಿನ ವಿಸ್ತರಣೆ ಹಾಗೂ ಸ್ಥಳಾಂತರದ ಬಗ್ಗೆ ಸದಸ್ಯರಿಂದ ಆಕ್ಷೇಪಣೆಗಳು ಬರದಿದ್ದರೆ ಪ್ರಕ್ರಿಯೆಗಳು ಮುಂದುವರಿಯಲಿವೆ. ಆದರೆ ಝಡ್‌ಆರ್‌ಯುಸಿಸಿ ಸಭೆ ಮುಂದೆ ಯಾವಾಗ ನಡೆಯಲಿದೆ ಎಂಬ ಮಾಹಿತಿ ಇಲ್ಲ. ಝಡ್‌ಆರ್‌ಯುಸಿಸಿ ಸದಸ್ಯರಿಗೆ ಪತ್ರ ಬರೆಯುವುದೇ ಸದ್ಯ ಇರುವ ದಾರಿಯಾಗಿದ್ದು ವಿಸ್ತರಣೆ ಕಾರ್ಯರೂಪಕ್ಕೆ ಬರಬಹುದು. ಹಿಂದೆ ಕಾರವಾರ-ಯಶವಂತ ಪುರ ಎಕ್ಸ್‌ ಪ್ರಸ್‌ ಹಗಲು ರೈಲಿನ (ನಂ. 16515/516) ಸಂಚಾರವನ್ನು ತುಮಕೂರು ಬದಲಿಗೆ ನೆಲಮಂಗಲ-ಶ್ರವಣಬೆಳಗೊಳ ಮೂಲಕ ವರ್ಗಾಯಿಸುವ ಸಂದರ್ಭದಲ್ಲೂ ಅಧಿಕಾರಿಗಳು ಇದೇ ಕ್ರಮ ಅನುಸರಿಸಿದ್ದರು.
Related Articles
ನರೇಶ್‌ ಲಾಲ್ವಾನಿ, ಡಿಆರ್‌ಎಂ,
ಪಾಲ್ಗಾಟ್‌ ರೈಲ್ವೇ ವಿಭಾಗ
Advertisement
ಗೋಮಟೇಶ್ವರ ರೈಲು ವಿಸ್ತರಣೆಯ ಪೂರಕ ಪ್ರಸ್ತಾವನೆಗಳು ಈಗಾಗಲೇ ದಕ್ಷಿಣ ರೈಲ್ವೇಗೆ ಹೋಗಿವೆ. ಅದು ಶೀಘ್ರ ಕಾರ್ಯಗತಗೊಳ್ಳುವ ನಿಟ್ಟಿನಲ್ಲಿ ತ್ವರಿತ ಪ್ರಕ್ರಿಯೆಗಳು ನಡೆಯಬೇಕಾಗಿದೆ. ಇದಕ್ಕೆ ಝಡ್‌ಆರ್‌ಯುಸಿಸಿ ಸಭೆಗಾಗಿ ಕಾಯದೆ ಸದಸ್ಯರಿಗೆ ಪತ್ರ ಬರೆದು ಅಭಿಪ್ರಾಯ ಪಡೆದು ತತ್‌ಕ್ಷಣದಲ್ಲಿ ನಿರ್ಧಾರ ಕೈಗೊಳ್ಳಲು ಸಾಧ್ಯವಿದೆ.ಅನಿಲ್‌ ಹೆಗ್ಡೆ,
ಪಶ್ಚಿಮ ಕರಾವಳಿ ರೈಲ್ವೇ ಯಾತ್ರಿಕರ ಅಭಿವೃದ್ಧಿ ಸಂಘದ ಸಲಹೆಗಾರ ಕೇಶವ ಕುಂದರ್‌