PM ಮೋದಿ ಭಾವಚಿತ್ರ ಅಳವಡಿಸಲ್ಲ: ಕೇರಳ ಸರಕಾರ ಸಡ್ಡು

ತಿರುವನಂತಪುರ: ಸರಕಾರಿ ನ್ಯಾಯಬೆಲೆ ಅಂಗಡಿಗಳ ಮುಂಭಾಗ ರಾಷ್ಟ್ರೀಯ ಆಹಾರ ಭದ್ರತಾ ಕಾಯ್ದೆಯ ಲೋಗೋ ಜತೆಗೆ ಪ್ರಧಾನಿ ಭಾವಚಿತ್ರವಿರುವ ಫ್ಲೆಕ್ಸ್‌ ಹಾಗೂ ನಾಮಫ‌ಲಕ ಅಳವಡಿಸಬೇಕೆಂಬ ಕೇಂದ್ರದ ಸೂಚನೆಗೆ ಕೇರಳ ಸರಕಾರ ಸಡ್ಡು ಹೊಡೆದಿದೆ.

“ಲೋಕಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಉದ್ದೇಶಪೂರ್ವಕ ವಾಗಿಯೇ ಕೇಂದ್ರ ಈ ಸೂಚನೆ ನೀಡಿದೆ. ಆದರೆ ಇದು ಚುನಾವಣ ಪ್ರಚಾರದ ಭಾಗವಾಗಿರುವ ಈ ಅಭಿಯಾನವನ್ನು ಕಾರ್ಯಗತಗೊಳಿಸುವುದು ಕಷ್ಟಸಾಧ್ಯ. ಕೇಂದ್ರಕ್ಕೆ ಈ ಕುರಿತು ಮಾಹಿತಿ ನೀಡಲಿದ್ದೇವೆ. ಅಗತ್ಯ ಬಿದ್ದರೆ ಚು. ಆಯೋಗದ ಗಮನಕ್ಕೂ ತರಲಾಗುವುದು’ ಎಂದು ಸಿಎಂ ಪಿಣರಾಯಿ ವಿಜಯನ್‌ ಹೇಳಿದ್ದಾರೆ.