ಜಾರ್ಖಂಡ್ : ಹೆಂಡತಿಯೇ ತನ್ನ ಗಂಡನನ್ನು ಕ್ಷುಲಕ ಕಾರಣಕ್ಕೆ ಚಾಕುವಿನಿಂದ ಚುಚ್ಚಿ ಕೊಂದಿರುವ ಘಟನೆ ಜಾರ್ಖಂಡ್ ನ ಜೋರ್ಭಿತ ಗ್ರಾಮದ ಜಮ್ತಾರದಲ್ಲಿ ನಡೆದಿದೆ.
ಪುಷ್ಪಾ ಹೆಂಬ್ರೋಮ್ ಎಂಬಾಕೆ ತನ್ನ ಗಂಡನನ್ನು ಚಾಕುವಿನಿಂದ ಚುಚ್ಚಿ ಕೊಂದಾಕೆ.
ಪುಷ್ಪಾ ಹೆಂಬ್ರೋಮ್ ಮದುವೆಯ ಬಳಿಕ ಜೀನ್ಸ್‌ ಪ್ಯಾಂಟ್ ಉಡುವುದು ಆಕೆಯ ಗಂಡನಿಗೆ ಇಷ್ಟವಿರಲಿಲ್ಲ. ಈ ಬಗ್ಗೆ ಗಂಡ – ಹೆಂಡತಿ ನಡುವೆ ಆಗಾಗ ಗಲಾಟೆ ನಡೆಯುತ್ತಲೇ ಇತ್ತು. ಶನಿವಾರ ರಾತ್ರಿ ಊರಿನ ಜಾತ್ರೆ ನೋಡಲು ಪುಷ್ಪಾ ಜೀನ್ಸ್‌ ಪ್ಯಾಂಟ್ ಹಾಕಿಕೊಂಡು ಹೋಗಿದ್ದಾಳೆ. ಮನೆಗೆ ವಾಪಾಸ್‌ ಆಗುವ ವೇಳೆ ಇದೇ ವಿಚಾರಕ್ಕೆ ಮತ್ತೆ ಪತಿ – ಪತ್ನಿ ನಡುವೆ ಮಾತುಕತೆ ನಡೆದು ಜಗಳದ ಹಂತಕ್ಕೆ ತಲುಪಿದೆ.
ಇದನ್ನೂ ಓದಿ: ವಿಚಿತ್ರ ಕೆಲಸ ಮಾಡುತ್ತಿದ್ದಾನೆ ಈ ಯುವಕ: 1 ಗಂಟೆಗೆ 7,000 ರೂ. ಸಂಬಳ!
ಮದುವೆ ಬಳಿಕ ಜೀನ್ಸ್‌ ಪ್ಯಾಂಟ್ ಹಾಕುವುದು ಸರಿಯಲ್ಲ ಎಂದು ಗಂಡ ಮತ್ತೆ ವಾಗ್ವಾದಕ್ಕೆ ಇಳಿದಾಗ ಸಿಟ್ಟಿನಲ್ಲಿದ್ದ ಹೆಂಡತಿ ಪುಷ್ಪಾ ಚಾಕುವಿನಿಂದ ಗಂಡನ ಮೇಲೆ ಹಲ್ಲೆ ಮಾಡಿದ್ದಾಳೆ.
ಕೂಡಲೇ ಕುಟುಂಬ ಸದಸ್ಯರು ಬಂದು ಗಂಭೀರವಾಗಿ ಗಾಯಗೊಂಡಿದ್ದವನನ್ನು ಆಸ್ಪತ್ರೆಗೆ ಸಾಗಿಸಿದ್ದಾರೆ. ಆದರೆ ಆ ವೇಳೆಗಾಗಲೇ ಆತ ಮೃತ ಪಟ್ಟಿದ್ದಾನೆ.
ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
