Pro Kabaddi 2024: ಗೆಲುವಿನ ಹಳಿ ಏರಿದ ದಬಾಂಗ್‌ ಡೆಲ್ಲಿ

ಹೈದರಾಬಾದ್‌: ಸತತ 4 ಸೋಲುಗಳ ಬಳಿಕ ದಬಾಂಗ್‌ ಡೆಲ್ಲಿ ತಂಡ ಪ್ರೊ ಕಬಡ್ಡಿ ಪಂದ್ಯಾವಳಿಯಲ್ಲಿ ಗೆಲುವಿನ ಹಳಿ ಏರುವಲ್ಲಿ ಯಶಸ್ವಿಯಾಗಿದೆ.

ಗುರುವಾರದ ಜಿದ್ದಾಜಿದ್ದಿ ಸೆಣಸಾಟದಲ್ಲಿ ಅದು 33-30 ಅಂಕಗಳಿಂದ ಬೆಂಗಾಲ್‌ ವಾರಿಯರ್ಗೆ ಸೋಲುಣಿಸಿತು.

ನಾಯಕ ಆಶು ಮಲಿಕ್‌ (10 ಅಂಕ), ರೈಡರ್‌ ವಿನಯ್‌ (8 ಅಂಕ) ಮತ್ತು ಆಲ್‌ರೌಂಡರ್‌ ಆಶಿಷ್‌ (6 ಅಂಕ) ಡೆಲ್ಲಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಇದು 8 ಪಂದ್ಯಗಳಲ್ಲಿ ಡೆಲ್ಲಿಗೆ ಒಲಿದ 3ನೇ ಜಯ.

ಬೆಂಗಾಲ್‌ ಪರ ರೈಡರ್‌ ನಿತಿನ್‌ ಕುಮಾರ್‌ ಪ್ರಚಂಡ ಪ್ರದರ್ಶನ ನೀಡಿ 15 ಅಂಕ ಗಳಿಸಿದರು.
ಹರಿಯಾಣ ಜಯ: ದ್ವಿತೀಯ ಪಂದ್ಯದಲ್ಲಿ ಹರಿಯಾಣ ಸ್ಟೀಲರ್ 35-22 ಅಂಕಗಳಿಂದ ಗುಜರಾತ್‌ ಜೈಂಟ್ಸ್‌ಗೆ ಸೋಲುಣಿಸಿತು.