ಸವಣೂರಿನಲ್ಲೊಂದು ಅಪಾಯಕಾರಿ ಪಾಳು ಬಾವಿ

ಸವಣೂರು: ಸವಣೂರು ಪೇಟೆಯ ಪಕ್ಕದಲ್ಲಿರುವ ಖಾಸಗಿ ಜಮೀನಿನಲ್ಲಿ ಪಾಳುಬಾವಿಯಿದ್ದು ಜಾನುವಾರುಗಳಿಗೆ ಅಪಾಯಕಾರಿಯಾಗಿ ಪರಿಣಮಿಸಿದೆ. ಹಲವು ಬಾರಿ ಸರಕಾರ ಪಾಳು ಬಿದ್ದಿರುವ ಬಾವಿಯನ್ನು ಮುಚ್ಚಲು ಆದೇಶ ನೀಡಿದರೂ ಇನ್ನೂ ಕೂಡ ಇಂತಹ ಪಾಳು ಬಾವಿಗಳು ಹಾಗೇ ಇದೆ ಎನ್ನುವದಕ್ಕೆ ಸವಣೂರು ಮುಖ್ಯಪೇಟೆಯಲ್ಲಿರುವ ಈ ಪಾಳುಬಾವಿ ಪ್ರತ್ಯಕ್ಷ ಸಾಕ್ಷಿ.

ಈ ಬಾವಿಗೆ ದನವೊಂದು ಬಿದ್ದು ಒದ್ದಾಡುತ್ತಿದ್ದು, ಸ್ಥಳೀಯರ ಸಹಕಾರದಲ್ಲಿ ಮೇಲೆತ್ತಲಾಯಿತು.ಇಂತಹ ಪಾಳುಬಾವಿಗಳನ್ನು ಮುಚ್ಚದೆ ಹಾಗೇ ಬಿಟ್ಟಿರುವುದರಿಂದ ನಾಯಿ, ಬೆಕ್ಕು ಮೊದಲಾದ ಪ್ರಾಣಿಗಳು ಬಿದ್ದು ಪ್ರಾಣಕಳೆದುಕೊಳ್ಳುತ್ತಿದ್ದು,ಕೂಡಲೇ ಈ ಪಾಳು ಬಾವಿಯನ್ನು ಮುಚ್ಚಲು ಸಂಭಂಧಪಟ್ಟವರು ಗಮನಹರಿಸುವಂತೆ ಸಾರ್ವಜನಿಕರು ಒತ್ತಾಯಿಸಿದ್ದಾರೆ.