ಆಸ್ಕರ್‌ ಬೆನ್ನಲ್ಲೇ ಲತಾ ಮಂಗೇಶ್ಕರ್‌ ಅವರಿಗೆ ಗ್ರ್ಯಾಮಿ ಅಪಮಾನ

ಮುಂಬಯಿ: ಆಸ್ಕರ್‌ ಬೆನ್ನಲ್ಲೇ ಗ್ರ್ಯಾಮಿ ಅವಾರ್ಡ್‌ ಸಂಘಟಕರು ಕೂಡ “ಭಾರತದ ಗಾನಕೋಗಿಲೆ’ ಲತಾ ಮಂಗೇಶ್ಕರ್‌ ಅವರಿಗೆ ಅವಮಾನ ಮಾಡಿದ್ದಾರೆ.

ಲಾಸ್‌ ವೇಗಾಸ್‌ನಲ್ಲಿ ಮುಕ್ತಾಯ ಕಂಡ ಗ್ರ್ಯಾಮಿ ಅವಾರ್ಡ್‌ನ ಪ್ರದಾನ ಸಮಾರಂಭದಲ್ಲಿ, 2022ರಲ್ಲಿ ಅಗಲಿದ ಸ್ಟೀಫ‌ನ್‌ ಸೊಂಧೀಮ್‌, ಲೆಸ್ಲಿಆಡಮ್‌ ಜ್ಯೂ., ಬೆನ್‌ ಪ್ಲ್ರಾಟ್‌ ಮತ್ತು ರಾಚೆಲ್‌ ಝೆಲ್ಗರ್‌, ಟೇಲರ್‌ ಹಾಕಿನ್ಸ್‌ ಮತ್ತು ಟಾಮ್‌ ಪಾರ್ಕರ್‌ ಮುಂತಾದವರ ಹೆಸರು ಪ್ರಸ್ತಾವಿಸಿ, ಸಂತಾಪ ಸೂಚಿಸಲಾಗಿದೆ.

ಇದನ್ನೂ ಓದಿ: ದೇಶಾದ್ಯಂತ ಅಂಗನವಾಡಿ ಅಭಿವೃದ್ಧಿಗೆ ಕ್ರಮ: ಸಚಿವೆ ಸ್ಮತಿ ಇರಾನಿ

ಆದರೆ, 30ಕ್ಕೂ ಅಧಿಕ ಭಾಷೆಗಳಲ್ಲಿ, 30 ಸಾವಿರಕ್ಕೂ ಅಧಿಕ ಹಾಡುಗಳನ್ನು ಹಾಡಿರುವ ಲತಾ ಮಂಗೇಶ್ಕರ್‌ ಹೆಸರನ್ನು ಪ್ರಸ್ತಾವಿಸದೆ ಅವಮಾನಿಸಲಾಗಿದೆ. ಬಾಲಿವುಡ್‌ನ‌ ಕಂಗನಾ ರಣಾವತ್‌ ಸೇರಿದಂತೆ ಹಲವು ತಾರೆಗಳು ಆಕ್ರೋಶ ಹೊರಹಾಕಿದ್ದಾರೆ.