ಹೊಟೇಲ್‌, ರೆಸಾರ್ಟ್‌ಗಳಲ್ಲಿ ವಾಸ್ತವ್ಯಕ್ಕಿಲ್ಲ ನಿರ್ಬಂಧ

ಬೆಂಗಳೂರು: ನೈಟ್‌ ಕರ್ಫ್ಯೂ ವೇಳೆಯಲ್ಲಿ ಹೊಟೇಲ್‌, ರೆಸಾರ್ಟ್‌ಗಳಲ್ಲಿ ಆಸನ ಸಾಮರ್ಥ್ಯದ ಶೇ. 50ರಷ್ಟು ಅವಕಾಶ ಕೇವಲ ಆಹಾರ ಮತ್ತು ಪಾನೀಯ ವಿತರಣೆ ಸ್ಥಳಗಳಿಗೆ ಮಾತ್ರ ಎಂದು ಸರಕಾರ ಸ್ಪಷ್ಟಪಡಿಸಿದೆ.

ಈ ಕುರಿತು ಮುಖ್ಯ ಕಾರ್ಯದರ್ಶಿ ಪಿ. ರವಿಕುಮಾರ್‌ ಅವರು ಮಂಗಳವಾರ ಆದೇಶ ಹೊರಡಿಸಿದ್ದು, ಹೊಟೇಲ್‌, ರೆಸಾರ್ಟ್‌ಗಳ ಕೊಠಡಿಗಳಲ್ಲಿ ವಾಸ್ತವ್ಯಕ್ಕೆ ಯಾವುದೇ ನಿರ್ಬಂಧ ಇರುವುದಿಲ್ಲ. ಶೇ. 50ರಷ್ಟು ಅನ್ವಯಿಸುವುದಿಲ್ಲ. ಅನುಮೋದಿತ ಸಾಮರ್ಥ್ಯಕ್ಕೆ ಅನುಗುಣವಾಗಿ ಆತಿಥ್ಯ ಕಲ್ಪಿಸಬಹುದು ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ಝೊಮ್ಯಾಟೊದಲ್ಲಿ ಕೋಟಿ ಮೋಮೋಸ್‌ ಆರ್ಡರ್‌; ಭಾರತದಲ್ಲಿ ಬಿರಿಯಾನಿಗೇ ಫ‌ಸ್ಟ್‌ ಪ್ಲೇಸ್‌

ಹೀಗಾಗಿ, ಡಿ. 30ರಿಂದ ಜ. 2ರ ವರೆಗೆ ರೆಸ್ಟೋರೆಂಟ್‌ಗಳು/ಹೊಟೇಲ್‌ಗ‌ಳು/ಪಬ್‌ಗಳು/ಕ್ಲಬ್‌ಗಳು ಕೊರೊನಾ ನಿಯಮ ಪಾಲನೆಯ ಷರತ್ತಿಗೊಳಪಟ್ಟು ಆಸನ ಸಾಮರ್ಥ್ಯ 50 ಮಾತ್ರ ಕಾರ್ಯಾಚರಿಸುವುದು. ಇದು ಆಹಾರ ಮತ್ತು ಪಾನೀಯ ವಿತರಣೆಗೆ ಮಾತ್ರ ಅನ್ವಯ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.