ಹೊಸ ಕೋರ್ಸ್‌ ಆರಂಭ ಇಲ್ಲ: ಅಶ್ವತ್ಥನಾರಾಯಣ

ಬೆಳಗಾವಿ: ಸರಕಾರಿ ಕಾಲೇಜುಗಳಲ್ಲಿ ಇರುವ ಕೋರ್ಸ್‌ಗಳನ್ನು ಬಲವರ್ಧಿಸುವ ಜತೆಗೆ ಮೂಲಸೌಕರ್ಯಕ್ಕೆ ಒತ್ತು ನೀಡಲಿದ್ದೇವೆ. ಸದ್ಯಕ್ಕೆ ಹೊಸ ಕೋರ್ಸ್‌ ಆರಂಭಿಸುವ ಉದ್ದೇಶವಿಲ್ಲ ಎಂದು ಉನ್ನತ ಶಿಕ್ಷಣ ಸಚಿವ ಡಾ| ಸಿ.ಎನ್‌.ಅಶ್ವತ್ಥನಾರಾಯಣ ಹೇಳಿದರು.

ವಿಧಾನಸಭೆಯಲ್ಲಿ ಗುರುವಾರ ಕಾಂಗ್ರೆಸ್‌ನ ಶಿವಾನಂದ ಕೌಜಲಗಿ ಪ್ರಶ್ನೆಗೆ ಉತ್ತರಿಸಿದ ಅವರು, ಬೈಲಹೊಂಗಲ ನಗರದಲ್ಲಿನ ಸರ್ಕಾರಿ ಪ್ರಥಮ ದರ್ಜೆ ಮಹಿಳಾ ಕಾಲೇಜಿನಲ್ಲಿ ಮುಂದಿನ

ಶೈಕ್ಷಣಿಕ ಸಾಲಿನಿಂದ ವಿಜ್ಞಾನ ವಿಭಾಗ  ಆರಂಭಿಸಲು ಸಾಧ್ಯವಿಲ್ಲ. ಕಾಲೇಜಿನ ಮೂಲ ಸೌಕರ್ಯ ಬಲವರ್ಧನೆಗೆ ಕ್ರಮ ಕೈಗೊಳ್ಳ ಲಾಗುತ್ತಿದೆ. ಆದರೆ ವಿಜ್ಞಾನ ಸೇರಿ ಯಾವುದೇ ಕೋರ್ಸ್‌ ಆರಂಭಿಸುವ ಉದ್ದೇಶವಿಲ್ಲ ಎಂದು ತಿಳಿಸಿದರು.