ರೈತರ ಆತ್ಮಹತ್ಯೆಗೆ ಬರ ಕಾರಣ ಅಲ್ಲ: ತಮಿಳುನಾಡು ಸರಕಾರ

ಚೆನ್ನೈ: ರಾಜ್ಯದಲ್ಲಿ ರೈತರ ಆತ್ಮಹತ್ಯೆಗೆ ಬರ ಕಾರಣವಲ್ಲ. ಬರ ಮತ್ತು ಸಾಲದ ಕಾರಣಕ್ಕಾಗಿ ಯಾವ ರೈತನೂ ಆತ್ಮಹತ್ಯೆ ಮಾಡಿಕೊಂಡಿಲ್ಲ ಎಂದು ತಮಿಳುನಾಡು ಸರಕಾರ ಶುಕ್ರವಾರ ಸುಪ್ರೀಂಕೋರ್ಟ್‌ಗೆ ಅರಿಕೆ ಮಾಡಿದೆ. ರಾಜ್ಯದ ರೈತರ ಸಾಲ ಮನ್ನಾ ಮಾಡಿ ಅವರನ್ನು ಕಷ್ಟದಿಂದ ಪಾರು ಮಾಡಲು ಉಪಾಯ ಮಾಡಿ ಎಂದು ಕೋರ್ಟ್‌ ಸೂಚನೆ ಕೊಟ್ಟಿದ್ದರೂ, 40 ದಿನಗಳ ಕಾಲ ರೈತರು ದಿಲ್ಲಿಯಲ್ಲಿ ಪ್ರತಿಭಟನೆ ಮಾಡಿದ್ದರೂ, ಸರಕಾರ ಈಗ ಕೋರ್ಟಿಗೆ ಈ ರೀತಿ ಪ್ರಮಾಣಪತ್ರ ಸಲ್ಲಿಸುವ ಮೂಲಕ ಅಚ್ಚರಿ ಮೂಡಿಸಿದೆ. ವೈಯಕ್ತಿಕ ಕಾರಣಕ್ಕಾಗಿ ರೈತರು ಆತ್ಮಹತ್ಯೆ ದಾರಿ ಹಿಡಿಯುತ್ತಿದ್ದಾರೆಯೇ ಹೊರತು ಸಾಲ ಹಾಗೂ ಬರದ ಕಾರಣಕ್ಕಾಗಿ ಅಲ್ಲ ಎಂದಿದೆ ಸರಕಾರ.