ಶಿಬಿರಗಳೇ ಇರಲಿಲ್ಲ: ಪಾಕ್‌ ವಾದ

ಇಸ್ಲಾಮಾಬಾದ್‌: ಬಾಲಾಕೋಟ್‌ ದಾಳಿಯ ಸಂದರ್ಭದಲ್ಲಿ ಭಾರತವು ದಾಳಿ ನಡೆಸಿದ ಪ್ರದೇಶಗಳಲ್ಲಿ ಯಾವುದೇ ಉಗ್ರರ ತರಬೇತಿ ಕ್ಯಾಂಪ್‌ಗ್ಳು ಇದ್ದಿದ್ದು ಕಂಡುಬಂದಿಲ್ಲ ಎಂದು ಪಾಕಿಸ್ಥಾನ ಮೊಂಡುವಾದ ಮಂಡಿಸಿದೆ.

ಪಾಕಿಸ್ಥಾನ ನೆಲದಲ್ಲಿದ್ದ 22 ಉಗ್ರರ ಕೇಂದ್ರಗಳನ್ನು ನಾಶ ಮಾಡಿರುವುದಾಗಿ ಬಾಲಾಕೋಟ್‌ ದಾಳಿಯ ನಂತರ ಭಾರತ ಹೇಳಿತ್ತು. ಆದರೆ, ನಮ್ಮ ತನಿಖೆಯಲ್ಲಿ ಅಂಥ ತರಬೇತಿ ಶಿಬಿರಗಳಿದ್ದ ಕುರುಹುಗಳು ಕಂಡುಬಂದಿಲ್ಲ. ಇದನ್ನು ಸಾಕ್ಷಾತ್ಕರಿಸಲು ಭಾರತದ ಅಧಿಕಾರಿಗಳು ದಾಳಿ ನಡೆದ ಸ್ಥಳಗಳ ಭೇಟಿಗಾಗಿ ಅನುಮತಿ ಕೋರಿದರೆ ಅವರಿಗೆ ಸೂಕ್ತ ವ್ಯವಸ್ಥೆ ಕಲ್ಪಿಸಲಾಗುತ್ತದೆ ಎಂದು ಪಾಕಿಸ್ಥಾನದ ವಿದೇಶಾಂಗ ಸಚಿವಾಲಯ ತಿಳಿಸಿದೆ.

ಇದೇ ವೇಳೆ, ಪುಲ್ವಾಮಾ ದಾಳಿಗೆ ಸಂಬಂಧಿಸಿದಂತೆ ತಾನು ಬಂಧಿಸಿರುವ 54 ವ್ಯಕ್ತಿ ಗಳಿಗೂ ದಾಳಿಗೂ ಯಾವುದೇ ಸಂಬಂಧವಿಲ್ಲ ಎಂದಿರುವ ಪಾಕಿಸ್ಥಾನ, ಪುಲ್ವಾಮಾ ದಾಳಿಕೋ ರರ ಪತ್ತೆಗೆ ಭಾರತ ಮತ್ತಷ್ಟು ಸಾಕ್ಷಾಧಾರಗಳನ್ನು ಕೊಡಬೇಕು ಎಂದು ತಾಕೀತು ಮಾಡಿದೆ.