Kemar Roach: ವೆಸ್ಟ್‌  ಇಂಡೀಸ್‌ ಟೆಸ್ಟ್‌ ತಂಡಕ್ಕೆ ಮರಳಿದ ಕೆಮರ್‌ ರೋಚ್‌

ಪೋರ್ಟ್‌ ಆಫ್ ಸ್ಪೇನ್‌: ಗಾಯಾಳಾಗಿ ಇಂಗ್ಲೆಂಡ್‌ ಎದುರಿನ ಟೆಸ್ಟ್‌ ಸರಣಿಯಿಂದ ಹೊರಗುಳಿದಿದ್ದ ವೆಸ್ಟ್‌ ಇಂಡೀಸ್‌ ವೇಗಿ ಕೆಮರ್‌ ರೋಚ್‌, ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಗೆ ವಾಪಸಾಗಿದ್ದಾರೆ.

2 ಪಂದ್ಯಗಳ ಟೆಸ್ಟ್‌ ಸರಣಿಗಾಗಿ ವೆಸ್ಟ್‌ ಇಂಡàಸ್‌ ತಂಡ ಪ್ರಕಟಗೊಂಡಿದ್ದು, ಅಲ್ಜಾರಿ ಜೋಸೆಫ್ ಅವರಿಗೆ ವಿಶ್ರಾಂತಿ ನೀಡಲಾಗಿದೆ. ಇವರ ಬದಲು ಕೀಪರ್‌ ಜೋಶುವ ಡ ಸಿಲ್ವ ಉಪನಾಯಕರಾಗಿ ನೇಮಕಗೊಂಡಿದ್ದಾರೆ.

ಮೊದಲ ಟೆಸ್ಟ್‌ ಅ. 7ರಿಂದ 11ರ ತನಕ ಪೋರ್ಟ್‌ ಆಫ್ ಸ್ಪೇನ್‌ನಲ್ಲಿ, ಎರಡನೇ ಟೆಸ್ಟ್‌ ಆ. 15ರಿಂದ 19ರ ತನಕ ಪ್ರೊವಿಡೆನ್ಸ್‌ನಲ್ಲಿ ನಡೆಯಲಿದೆ.

ವೆಸ್ಟ್‌ ಇಂಡೀಸ್‌ ತಂಡ: ಕ್ರೆಗ್‌ ಬ್ರಾತ್‌ವೇಟ್‌ (ನಾಯಕ), ಜೋಶುವ ಡ ಸಿಲ್ವ, ಅಲಿಕ್‌ ಅಥನಾಜ್‌, ಕೇಸಿ ಕಾರ್ಟಿ, ಬ್ರಿಯಾನ್‌ ಚಾರ್ಲ್ಸ್‌, ಜಸ್ಟಿನ್‌ ಗ್ರೀವ್ಸ್‌, ಜೇಸನ್‌ ಹೋಲ್ಡರ್‌, ಕವೆಮ್‌ ಹಾಜ್‌, ಟೆವಿನ್‌ ಇಮ್ಲಾಕ್‌, ಶಮರ್‌ ಜೋಸೆಫ್, ಮೈಕಲ್‌ ಲೂಯಿಸ್‌, ಗುಡಕೇಶ್‌ ಮೋಟಿ, ಕೆಮರ್‌ ರೋಚ್‌, ಜೇಡನ್‌ ಸೀಲ್ಸ್‌, ಜೊಮೆಲ್‌ ವ್ಯಾರಿಕಾನ್‌.