ಸೇನೆಗೆ ಭಾರತದ ಇಂಜಿನ್‌ ಹಸ್ತಾಂತರ

ಚೆನ್ನೈ: ದೇಶೀಯವಾಗಿ ನಿರ್ಮಿಸಿದ ಎರಡು ಅಧಿಕ ಶಕ್ತಿಯ ಇಂಜಿನ್‌ಗಳನ್ನು ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌ ಶನಿವಾರ ಸೇನೆಗೆ ಹಸ್ತಾಂತರಿಸಿದ್ದಾರೆ. ಇದನ್ನು ಅವಾಡಿಯ ಇಂಜಿನ್‌ ಫ್ಯಾಕ್ಟರಿ ನಿರ್ಮಿಸಿದ್ದು, ಇದೇ ಮೊದಲ ಬಾರಿಗೆ ದೇಶದಲ್ಲೇ ನಿರ್ಮಾಣ ಮಾಡಲಾಗಿದೆ. 1 ಸಾವಿರ ಅಶ್ವಶಕ್ತಿಯ ಇಂಜಿನ್‌ಗಳಾಗಿದ್ದು, ಇವುಗಳನ್ನು ಭೀಷ್ಮ ಹಾಗೂ ಅಜೇಯ ಟ್ಯಾಂಕ್‌ಗೆ ಅಳವಡಿಸಲಾಗುತ್ತದೆ.

ರಷ್ಯಾ ಒದಗಿಸಿದ ವಿನ್ಯಾಸವನ್ನು ಆಧರಿಸಿ ಇದನ್ನು ನಿರ್ಮಿಸಲಾಗಿದ್ದು, ಸಂಪೂರ್ಣ ಬಿಡಿಭಾಗಗಳನ್ನೂ ಭಾರತದಲ್ಲೇ ತಯಾರಿಸಲಾಗಿದೆ. ಈ ಹಿಂದೆ ಹಲವು ಬಿಡಿಭಾಗಗಳನ್ನು ರಷ್ಯಾದಿಂದ ತರಿಸಿಕೊಳ್ಳಲಾಗುತ್ತಿತ್ತು. ಈ ಹಿಂದೆ ಶೇ.73ರಷ್ಟು ಬಿಡಿಭಾಗಗಳನ್ನು ದೇಶದಲ್ಲಿ ತಯಾರಿಸಲಾಗುತ್ತಿತ್ತು. ದೇಶದಲ್ಲೇ ಬಿಡಿಭಾಗಗಳನ್ನು ತಯಾರಿಸುವುದರಿಂದ ಪ್ರತಿ ವರ್ಷ ಸರ್ಕಾರಕ್ಕೆ 80 ಕೋಟಿ ರೂ. ಉಳಿತಾಯವಾಗುತ್ತಿದೆ.