ಜೂ.27ರವರೆಗೆ ನೀರವ್‌ಗೆ ಜೈಲು

ಲಂಡನ್‌: ಉದ್ಯಮಿ ನೀರವ್‌ ಮೋದಿಗೆ ಜೂನ್‌ 27 ರ ವರೆಗೂ ಯುನೈಟೆಡ್‌ ಕಿಂಗ್‌ಡಮ್‌ ನ್ಯಾಯಾಲಯ ಜೈಲುವಾಸ ಅವಧಿ ವಿಸ್ತರಣೆ ಮಾಡಿದೆ.

ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ಗೆ 12 ಸಾವಿರ ಕೋಟಿ ರೂ. ಮೋಸ ಮಾಡಿದ ನೀರವ್‌ ಮೋದಿಯ ವಿರುದ್ಧ ಗಡೀಪಾರು ಪ್ರಕರಣದ ವಿಚಾರಣೆ ಚಾಲ್ತಿಯಲ್ಲಿದ್ದು, ಗುರುವಾರ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಚಾರಣೆಗೆ ಅವರನ್ನು ಕೋರ್ಟ್‌ಗೆ ಹಾಜರುಪಡಿಸಲಾಗಿತ್ತು.

ಅಲ್ಲದೆ, ನೀರವ್‌ ಮೋದಿಯನ್ನು ಯಾವ ಜೈಲಿನಲ್ಲಿಡಲಾಗುತ್ತದೆ ಮತ್ತು ಆ ಜೈಲಿನ ಸ್ಥಿತಿಗತಿಗಳ ವಿವರವನ್ನು 14 ದಿನಗಳೊಳಗೆ ನೀಡುವಂತೆ ಭಾರತೀಯ ಅಧಿಕಾರಿಗಳಿಗೆ ಸೂಚಿಸಿದೆ. ಕಳೆದ ಮಾರ್ಚ್‌ 19 ರಂದು ಇಂಗ್ಲೆಂಡ್‌ನ‌ ಸ್ಕಾಟ್‌ಲ್ಯಾಂಡ್‌ ಯಾರ್ಡ್‌ ಪೊಲೀಸರು ಬಂಧಿಸಿದ್ದರು.