ಮಾರ್ಗರೆಟ್‌ ಆಳ್ವಾ ಪುತ್ರನ ವಿರುದ್ಧ ಎಫ್ಐಆರ್‌

ಗುರುಗ್ರಾಮ: ರಾಜಸ್ಥಾನದ ಮಾಜಿ ರಾಜ್ಯಪಾಲರು ಹಾಗೂ ಕರ್ನಾಟಕದ ಕಾಂಗ್ರೆಸ್‌ ನಾಯಕಿ ಮಾರ್ಗರೆಟ್‌ ಆಳ್ವ ಅವರ ಪುತ್ರ ನಿಖೀಲ್‌ ಆಳ್ವ ಅವರು ಗುರುಗ್ರಾಮದ ತಮ್ಮ ನಿವಾಸದ ನೆರೆಮನೆಯ ಮಹಿಳೆಯೊಬ್ಬರಿಗೆ ಅಸಭ್ಯ ಇ-ಮೇಲ್‌ ರವಾನಿಸಿರುವ ಆರೋಪಕ್ಕೆ ಗುರಿಯಾಗಿದ್ದಾರೆ. 

ಈ ಕುರಿತಂತೆ ಮಹಿಳೆ, ಪೊಲೀಸರಿಗೆ ದೂರು ನೀಡಿದ್ದು ಅದರ ಆಧಾರದ ಮೇಲೆ ಎಫ್ಐಆರ್‌ ದಾಖಲಾಗಿದೆ. ಮೂರು ವರ್ಷಗಳಿಂದ ನಿಖೀಲ್‌ ಅವರು ಅಸಭ್ಯ ಇ-ಮೇಲ್‌ಗ‌ಳನ್ನು ಕಳುಹಿಸುತ್ತಿದ್ದು, ನಮ್ಮ ಪ್ರಾಂತ್ಯದ ನಾಗರಿಕರಿರುವ ಸಾಮಾಜಿಕ ಜಾಲತಾಣಗಳ ಗ್ರೂಪ್‌ಗ್ಳಲ್ಲೂ ವಿರುದ್ಧ ಅವಹೇಳನಕಾರಿ ಸಂದೇಶಗಳನ್ನು ರವಾನಿಸುತ್ತಿದ್ದಾರೆ. ಜತೆಗೆ, ಅಸಭ್ಯ ಇ-ಮೇಲ್‌ಗ‌ಳನ್ನು ಸಾರ್ವಜನಿಕವಾಗಿ ಪ್ರಕಟಿಸುವ ಬೆದರಿಕೆಯೊಡ್ಡುತ್ತಿದ್ದಾರೆಂದೂ ಮಹಿಳೆಯು ದೂರಿನಲ್ಲಿ ಆರೋಪಿಸಿದ್ದಾರೆ.

ಆರೋಪ ನಿರಾಕರಣೆ
ಮಹಿಳೆಯ ಆರೋಪಗಳನ್ನು ಟ್ವಿಟರ್‌ನಲ್ಲಿ ನಿರಾಕರಿಸಿರುವ ನಿಖೀಲ್‌, “ದೂರು ನೀಡಿ ರುವ ಮಹಿಳೆ ಯಿಂದ ತಾವಿರುವ ವಸತಿ ಸಮುತ್ಛಯದಲ್ಲಿ ಕಾನೂನು ಬಾಹಿರವಾಗಿ ಕೆಲವು ನಿರ್ಮಾಣಗಳಾಗಿದ್ದವು. ಇದನ್ನು ಹಲವಾರು ವರ್ಷ ಗಳಿಂದ ಆಕ್ಷೇಪಿಸುತ್ತಾ ಬಂದಿದ್ದೇನೆ. ಈ ಹಿನ್ನೆಲೆಯಲ್ಲಿ, ಆ ಮಹಿಳೆ ಅಸಭ್ಯ ಮೇಲ್‌ ಆರೋಪ ಹೊರಿಸಿ ಸೇಡು ತೀರಿಸಿ ಕೊಳ್ಳಲು ಪ್ರಯತ್ನಿಸಿದ್ದಾರೆ” ಎಂದು ಪ್ರತ್ಯಾರೋಪ ಮಾಡಿದ್ದಾರೆ.