ಹಿಜ್ಬುಲ್ ಉಗ್ರರ ಜತೆ ಬಂಧಿಸಲ್ಪಟ್ಟ ಡಿಎಸ್ಪಿ ಸಿಂಗ್ ವಿಚಾರಣೆ ಆರಂಭಿಸಿದ ಎನ್ ಐಎ

ನವದೆಹಲಿ: ಹಿಜ್ಬುಲ್ ಮುಜಾಹಿದೀನ್ ಉಗ್ರರ ಜತೆ ಸೆರೆ ಸಿಕ್ಕಿದ್ದ ಜಮ್ಮು-ಕಾಶ್ಮೀರ ಡಿಎಸ್ಪಿ ದೇವಿಂದರ್ ಸಿಂಗ್ ಪ್ರಕರಣದಲ್ಲಿ ರಾಷ್ಟ್ರೀಯ ತನಿಖಾ ಸಂಸ್ಥೆ(ಎನ್ ಐಎ) ತನಿಖೆ ನಡೆಸುತ್ತಿದ್ದು, ಅಮಾನತುಗೊಂಡ ಡಿಎಸ್ಪಿಯನ್ನು ವಿಚಾರಣೆಗಾಗಿ ದೆಹಲಿಗೆ ಕರೆ ತರುವ ಸಾಧ್ಯತೆ ಇದ್ದಿರುವುದಾಗಿ ವರದಿ ತಿಳಿಸಿದೆ.

ಸಿಂಗ್ ಬಂಧನ ಹಾಗೂ ಭಯೋತ್ಪಾದಕ ಸಂಘಟನೆ ಜತೆಗೆ ಶಾಮೀಲಾಗಿರುವ ಆರೋಪದ ಕುರಿತು ಎನ್ ಐಎ ವಿಚಾರಣೆ ನಡೆಸಬೇಕೆಂದು ಕೇಂದ್ರ ಗೃಹ ಸಚಿವಾಲಯ ಜನವರಿ 16ರಂದು ತಿಳಿಸಿತ್ತು ಎಂದು ನ್ಯೂಸ್ ಏಜೆನ್ಸಿ ಎಎನ್ ಐ ವಿವರಿಸಿದೆ.

ವರದಿಯ ಪ್ರಕಾರ, ದಾಳಿ ವೇಳೆ ಸಿಂಗ್ ಮನೆಯಲ್ಲಿದ್ದ ಶಸ್ತ್ರಾಸ್ತ್ರ ಮತ್ತು ಸ್ಫೋಟಕಗಳನ್ನು ಎನ್ ಐಎ ವಶಪಡಿಸಿಕೊಂಡಿದೆ. ಸಿಂಗ್ ಬಂಧನದ ನಂತರ ಪೊಲೀಸ್ ಅಧಿಕಾರಿ ಸಿಂಗ್ ಮನೆ ಮೇಲೆ ಜಮ್ಮು ಕಾಶ್ಮೀರ ಪೊಲೀಸರು ದಾಳಿ ನಡೆಸಿದ ವೇಳೆ ಎಕೆ 47, ಹ್ಯಾಂಡ್ ಗ್ರೆನೇಡ್ಸ್ ಹಾಗೂ ಪಿಸ್ತೂಲ್ ಅನ್ನು ವಶಪಡಿಸಿಕೊಂಡಿರುವುದಾಗಿ ತಿಳಿಸಿದೆ.