ನದಿ ಸ್ವಚ್ಛತೆಗೆ ಸಮಿತಿ ರೂಪಿಸಿದ ಎನ್‌ಜಿಟಿ

ಹೊಸದಿಲ್ಲಿ: ದೇಶದ 350ಕ್ಕೂ ಹೆಚ್ಚು ಮಲಿನ ನದಿಗಳನ್ನು ಸ್ವಚ್ಛಗೊಳಿಸುವುದಕ್ಕಾಗಿ ಕೇಂದ್ರೀಯ ವಿಚಕ್ಷಣಾ ಸಮಿತಿಯನ್ನು ರಾಷ್ಟ್ರೀಯ ಹಸಿರು ನ್ಯಾಯ ಮಂಡಳಿ ನೇಮಿಸಿದೆ.

ಆದರ್ಶ್‌ ಗೋಯೆಲ್‌ ನೇತೃತ್ವದ ನ್ಯಾಯಮಂಡಳಿ ಈ ಆದೇಶ ಹೊರಡಿಸಿದ್ದು, ಇದರಲ್ಲಿ ನೀತಿ ಆಯೋಗದ ಪ್ರತಿನಿಧಿಗಳು, ಜಲ ಸಂಪನ್ಮೂಲ ಸಚಿವಾಲಯದ ಕಾರ್ಯದರ್ಶಿಗಳು, ನಗರಾಭಿವೃದ್ಧಿ ಮತ್ತು ಪರಿಸರ ಸಚಿವಾಲಯ ಸಹಿತ ಹಲವು ಸಚಿವಾಲಯ, ಮಂಡಳಿಗಳ ಪ್ರತಿನಿಧಿಗಳು ಇರಲಿ ದ್ದಾರೆ. ಈ ಸಮಿತಿಯು ರಾಜ್ಯಗಳ ಲ್ಲಿರುವ ನದಿ ಪುನಶ್ಚೇತನ ಸಮಿತಿ ಜತೆಗೂ ಸಹಭಾಗಿತ್ವ ಸಾಧಿಸಲಿದೆ ಮತ್ತು ಕಾರ್ಯಯೋಜನೆ ಜಾರಿಯ ಮೇಲ್ವಿಚಾರಣೆ ನಡೆಸಲಿದೆ.